ԵՐԵՎԱՆ, 9 մայիսի — Sputnik. Նախորդ իշխանությունները հեռանալուց առաջ Ազգային անվտանգության ծառայությունից փաստաթղթեր ոչնչացնելու հետ կապված ծառայողական քննություն է ընթանում։ Այսօր լրագրողների հետ զրույցում այս մասին ասաց ԱԱԾ տնօրեն Արթուր Վանեցյանը։
Երեկ ՀՀ վարչապետ Նիկոլ Փաշինյանը հայտարարել էր, որ նախորդ իշխանությունների հեռանալուց առաջ Ազգային անվտանգության ծառայությունից փաստաթղթեր են ոչնչացվել։
«Այդ հարցի շուրջ ես որևէ պատասխան տալ չեմ կարող: Վարչապետը հայտարարել է, թե երբ է դա եղել»,-ասաց նա:
Հիշեցնենք, որ վարչապետ Նիկոլ Փաշինյանը երեկ ասել է, որ անհետացած փաստաթղթերը հիմնականում վերաբերել են մարտի 1-ին և ընդգրկել փաստերի ու անձանց լայն շրջանակ։ Այդ փաստաթղթերն անհետացել են մեկ տարի առաջ։