21:54 17 հունիսի 2019
Ուղիղ եթեր
  • USD477.83
  • GBP601.49
  • EUR535.70
  • RUB7.43
Վիտալի Բալասանյան

Դատախազը պետք է րոպե առաջ որոշում կայացներ. Բալասանյանը` Արցախի նախագահների դիմումի մասին

© Sputnik / Asatur Yesayants
Հայաստան
Ստանալ կարճ հղումը
38001

Վիտալի Բալասանյանը խոսել է Արցախի երկու նախագահների` Ռոբերտ Քոչարյանին կալանքից ազատելու դիմումի մասին։

ԵՐԵՎԱՆ, 9 մայիսի — Sputnik. Արցախի ազգային անվտանգության խորհրդի քարտուղար, Արցախի հերոս Վիտալի Բալասանյանի կարծիքով` եթե Արցախի երկու նախագահները դիմել էին ՀՀ գլխավոր դատախազին Ռոբերտ Քոչարյանի խափանման միջոցը փոխելու համար, ապա դատախազը պետք է հարգեր այդ դիմումն ու րոպե առաջ որոշում կայացներ։ Այս մասին լրագրողների հետ զրույցում ասաց Բալասանյանը։

Արցախի գործող և նախկին նախագահներ Բակո Սահակյանի ու Արկադի Ղուկասյանը դիմել էին ՀՀ գլխավոր դատախազին` ՀՀ երկրորդ նախագահ Ռոբերտ Քոչարյանի խափանման միջոց կալանքը փոխելու հարցով: Դատախազությունը, սակայն, պատասխանել էր, իրենց հասցեագրված դիմումի քննարկումը ներկա փուլում դուրս է ՀՀ դատախազության լիազորությունների տիրույթից։

«Արցախի նախագահների դիմումն այն մասին չէր, որ Քոչարյանի դեմ հարուցված քրեական գործը կասեցնեին, այլ նրանք ուզում էին, որ գոնե այս օրերին` հաղթանակի օրը, բոլոր նախագահները ներկա գտնվեին տոնական միջոցառումներին։ Կարծում եմ` դատախազությունը ճիշտ չարեց»,–ասաց Բալասանյանը։

Հիշեցնենք, որ Բակո Սահակյանն ու Արկադի Ղուկասյանը հայտարարել էին, որ պատրաստ են հանդես գալ ցանկացած հրապարակային երաշխիքով, որն անհրաժեշտ կլինի նրա՝ մեկուսարանից ազատ արձակվելու և կայանալիք դատավարության ողջ ընթացքում ազատության մեջ լինելու համար։

Ըստ թեմայի

Ռոբերտ Քոչարյանին ազատ արձակելու Արցախի կոչը չի վնասի Երևանի հետ հարաբերություններին
Ընդդիմադիր հզոր ուժերը շուտով մարտահրավեր կնետեն Փաշինյանին. Քոչարյանը հարցազրույց է տվել
Փաշինյանը պատասխանեց Քոչարյանին. նախկինների վերադարձը բացառված է

Գլխավոր թեմաներ