08:09 24 մայիսի 2019
Ուղիղ եթեր
  • USD479.98
  • GBP606.50
  • EUR534.46
  • RUB7.42
Վերելակ

Վերելակները կփոխվեն բնակիչներին հաշվի՞ն. Հայկ Մարությանը պատմեց նոր ծրագրերի մասին

© Sputnik / Asatur Yesayants
Հայաստան
Ստանալ կարճ հղումը
11810

Հայկ Մարությանը կրկին խոստացավ փոխել բոլոր վերելակները և վերանորոգել Երևանի ստորգետնյա անցումները, բայց գույքագրումն ավարտելուց հետո։

ԵՐԵՎԱՆ, 10 մայիսի — Sputnik. Երևանի քաղաքապետարանը մշակում է լայնամասշտաբ ծրագրեր` շենքերում վերելակները փոխելու և ստորգետնյա անցումները վերանորոգելու համար։ Այսօր լրագրողների հետ զրույցում այս մասին հայտարարեց քաղաքապետ Հայկ Մարությանը։

Մարությանը նշեց, որ վերելակները փոխելու հարցով զբաղվում է քաղաքապետի պաշտոնում գտնվելու առաջին օրվանից, սակայն քաղաքային իշխանություններն ի վիճակի չեն ինքնուրույն լուծել խնդիրը, նրանք ունեն մայրաքաղաքի բնակիչների օգնության կարիքը։

«Մենք անցկացնում ենք գույքագրում, փորձում գնահատել աշխատանքների ծավալը և մշակում ծրագիր։ Քանի որ վերելակները պատկանում են բնակիչներին, մեր հարցն է, մենք փոխարինենք վերելակը և բնակիչները տարիների ընթացքում այդ տարիների գումարը վճարեն, քանի որ այդ վերելակն իրենց է լինելու», – ասաց նա։

Մարությանը նաև պատմեց ստորգետնյա անցումները բարեկարգելու ծրագրերի մասին։ «Իմ առաջին հանձնարարականներից մեկը վերաբերվում էր Երեւանի բոլոր գետնանցումները լուսավորելուն։ Ես գնացել, ինքս ստուգել եմ, մենք բոլոր անցումները լուսավորել ենք, սակայն մի քանի շաբաթ անց լուսավորման համակարգը կամ կոտրվել է կամ գողացվել»,–ասաց նա։

Ըստ Մարությանի` քաղաքապետարանն ու ոստիկանությունն ի զորու չեն բոլոր գետնանցումներում հերթապահություն իրականացնել և հետեւել, որ բնակիչները չկոտրեն կամ չգողանան այդ լույսերը։

Միաժամանակ քաղաքապետը հայտնեց, որ Մաշտոցի պողոտայի Փակ շուկայի մոտ գտնվող ստորգետնյա անցումը կվերանորոգվի։ Նրա խոսքով` ստորգետնյա անցումը սեփականատեր ունի, որին պարտադրել են բարեկարգման աշխատանքներ իրականացնել։

Նշենք, որ նախընտրական քարոզարշավի ընթացքում Հայկ Մարությանն ընտրողներին խոստացել էր լուծել վերելակները փոխելու և ստորգետնյա անցումները վերանորոգելու հարցերը։

Ըստ թեմայի

Ինչո՞ւ Հայկ Մարությանը չի իջնում «Արմենիա TV»–ի եթերից. «Հրապարակ»
Հայկ Մարությանի պապի հետաքրքիր պատմությունը. Աստվածաշունչն է փրկել նրան
«Ոչ մի առողջ ծառ չի կտրվի». Հայկ Մարությանը խոստացավ պահպանել կանաչ տարածքները
Երևանցիները նոր այգի ունեն. բացմանը ներկա էր Նիկոլ Փաշինյանը
«Ու՞ր է լիազորը». երևանցի ծրագրավորողները կօգնեն հետևել բակին ու մուտքին
թեգերը:
Հայկ Մարության, Հայաստան

Գլխավոր թեմաներ