16:20 23 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Սամվել Ալեքսանյան

Աղմուկ հանած քրգործում շրջանառում է նաև գործարար Սամվել Ալեքսանյանի անունը. «168 ժամ»

© Sputnik / Asatur Yesayants
Հայաստան
Ստանալ կարճ հղումը
92 0 0

Քրեական գործի նյութերով, բժշկական սարքավորումներ մատակարարող երկու ընկերություններից մեկը պատկանում է Սամվել Ալեքսանյանին։

ԵՐԵՎԱՆ, 14 մայիսի — Sputnik. Պետական վերահսկողական ծառայության (ՊՎԾ) հեմոդիալիզի սարքավորումների գնումների հայտնի գործում, «168 ժամ»–ի տեղեկություններով, շրջանառում է նաեւ ՀՀԿ-ական նախկին պատգամավոր, գործարար Սամվել Ալեքսանյանի անունը:

Ըստ թերթի` այն երկու ՍՊԸ-ներից մեկը, որոնցից իրականացվել են գնումները, Սամվել Ալեքսանյանի ընտանիքին պատկանող «Նատալի ֆարմն» է:

Քրեական գործի նյութերով`, բժշկական սարքավորումներ մատակարարող երկու ընկերությունների նկատմամբ քրեական գործի հարուցման հիմք են հանդիսացել արհեստականորեն համապատասխանեցված տեխբնութագրերով արված ստվերային գործարքները:

Արդյունքում՝ հեմոդիալիզի սարքավորումների ձեռքբերման մրցույթներն իրականացվել են 3 բժշկական հաստատությունների իրական կարիքներին չհամապատասխանող տեխնիկական բնութագրերով:

Հիշեցնենք` Պետական վերահսկողական ծառայության գնումների վերահսկողության վարչության պետ Սամվել Ադյանը և ՊՎԾ մեկ այլ աշխատակից՝ բժշկական սարքավորումների մասնագետ Գևորգ Խաչատրյանը, փետրվարի 26-ին ձերբակալվել էին բժշկական հաստատությունների կողմից հայտարարված հեմոդիալիզի պարագաների մրցույթներին ենթադրյալ միջամտության դեպքով հարուցված քրեական գործի շրջանակում։ ԱԱԾ–ում քննվող քրեական գործի շրջանակում Դավիթ Սանասարյանին մեղադրանք է առաջադրվել ՀՀ քրեական օրենսգրքի 308-րդ հոդվածի 1-ին մասով (Պաշտոնեական լիազորությունները չարաշահելը)։ Նրա նկատմամբ խափանման միջոց է ընտրվել չհեռանալու մասին ստորագրությունը։ Որոշվել էր նաև ժամանակավորապես դադարեցնել նրա պաշտոնավարումը` ՀՀ պետական վերահսկողական ծառայության ղեկավարի պաշտոնում։

Դավիթ Սանասարյանը ԱԱԾ–ի առաջադրած մեղադրանքները շինծու է համարում։ Սանասարյանի փաստաբանները դիմել են ՀՀ գլխավոր դատախազություն` քրեական գործի վարույթը ԱԱԾ–ից այլ քննչական մարմնի վարույթ տեղափոխելու հարցով։

Ըստ թեմայի

Ղուշչյանի հայտարարության հիմքով Սամվել Ալեքսանյանի նկատմամբ քրեական գործ է հարուցվել
«Ղուշչյանը հիվանդ է, հիվանդ». Սամվել Ալեքսանյանը հրավիրվել է հարցաքննության
Ո՞ւմ է Դավիթ Սանասարյանը քամելեոն կոչում և ինչու է որոշ սերժականների ավելի հարգում
թեգերը:
Սամվել Ալեքսանյան, Դավիթ Սանասարյան

Գլխավոր թեմաներ