03:20 23 օգոստոսի 2019
Ուղիղ եթեր
  • USD475.91
  • GBP577.33
  • EUR527.40
  • RUB7.25
Նիկոլ Փաշինյանը Չինաստանում

Փաշինյանի խորհրդականը խոսեց Չինաստանի հետ գործակցության ռազմավարական ուղղությունների մասին

© Photo / official site of the Prime minister of RA
Հայաստան
Ստանալ կարճ հղումը
265 0 0

Չինաստանը պատրաստ է օգնել, որ հայկական արտադրանքը վաճառվի չինական շուկայում։

ԵՐԵՎԱՆ, 14 մայիսի — Sputnik. Ենթակառուցվածքային նախագծերն ու էներգետիկան Հայաստանի և Չինաստանի համագործակցության առաջնահերթ ուղղությունների շարքում են։ Այսօր Պեկինում լրագրողների հետ զրույցում այս մասին ասաց ՀՀ վարչապետի օգնական Հրաչյա Թաշչյանը։

Փաշինյանը Պեկին է մեկնել` մասնակցելու ՉԺՀ նախագահի կազմակերպած «Ասիական քաղաքակրթությունների երկխոսություն» համաժողովին։ Սա առաջին նման միջոցառումն է, որին մասնակցում են նաև Սինգապուրի, Հնդկաստանի, Հունաստանի, Շրի Լանկայի և Կամբոջայի նախագահները։

«Սա ինքնին արդեն հետաքրքիր փաստ է, որ Հայաստանը հրավիրված է մասնակցելու երկխոսությանը, նման բարձր մակարդակի համաժողովին», – ասաց Թաշչյանը։

Նա նշեց, որ արդեն տեղի է ունեցել Չինաստանի նախագահ Սի Ծինփինի հետ հանդիպումը, իսկ մայիսի 15-ին բանակցություն և աշխատանքային ճաշ է նախատեսված ՉԺՀ պետխորհրդի վարչապետ Լի Կեցյանի հետ։

Թաշչյանի խոսքով` Չինաստանն աշխարհի երկրորդ տնտեսությունն է, և բնականաբար, արդեն իսկ այս փաստը կարևորում է մեզ համար Պեկինի հետ տնտեսական համագործակցությունը։

Սա հսկայական շուկա է և բարենպաստ վայր մեր ապրանքների համար։ Բացի այդ, Չինաստանի հետ հարաբերությունները կարևոր են` հաշվի առնելով երկրի հզորությունը, այդ թվում` ՄԱԿ–ի ԱԽ–ի մշտական անդամակցությունը։

«Այսօր արդեն նշմարվեցին մեր համագործակցության ռազմավարական ուղղությունները։ Դրանք ընդգրկելու են ենթակառուցվածքային ծրագրեր, էներգետիկայի ոլորտ, հանքաարդյունաբերական ոլորտ։ Խոսվեց մեր ապրանքները չինական շուկայում առաջ մղելու խնդրի մասին, և չինական կողմը պատրաստակամություն հայտնեց աջակցել այդ առումով», – ասաց Թաշչյանը։

Նրա խոսքով` դա վերաբերում է կոնյակին, գինուն, գյուղատնտեսական ապրանքներին, Հայաստանի մասնակցությունը տարբեր առևտրական միջոցառումներին, որոնք թույլ կտան ներկայացնել սեփական արտադրանքը։

Միևնույն ժամանակ նա նշեց, որ շեշտը պետք է դնել ենթակառուցվածքային նախագծերի վրա։

ՀՀ վարչապետ Նիկոլ Փաշինյանը աշխատանքային այցով Չինաստան է մեկնել մայիսի 14-ին։

Ըստ թեմայի

Գնացել եք Բրյուսել, որ ի՞նչ անեք. Աշոտյանը` Փաշինյանին
Նիկոլ Փաշինյանը Բրյուսելում մասնակցել է պաշտոնական ընթրիքին
Հայաստանը մեծապես հետաքրքրված է «Մեկ գոտի, մեկ ճանապարհ» նախագծով. Փաշինյան
Ինչի՞ մասին են խոսել Փաշինյանն ու Ալիևը. վարչապետի մամուլի քարտուղարի մեկնաբանությունը
թեգերը:
Նիկոլ Փաշինյան, Հայաստան

Գլխավոր թեմաներ