06:17 24 մայիսի 2019
Ուղիղ եթեր
  • USD479.98
  • GBP606.50
  • EUR534.46
  • RUB7.42
Մարտի 1–ի դատ

Սերժ Սարգսյանի և Փաշինյանի խորհրդականի ցուցմունքից հատվածներ հրապարակվեց. Մարտի 1–ի գործը

© Sputnik / Aram Nersesyan ,
Հայաստան
Ստանալ կարճ հղումը
«Մարտի 1»-ի գործը (199)
208 0 0

Սերժ Սարգսյան իր ցուցմունքում հերքել է Արշակ Կարապետյանի ասածը։

ԵՐԵՎԱՆ, 15 մայիսի — Sputnik. ՀՀ երկրորդ նախագահ Ռոբերտ Քոչարյանի պաշտպաններից Հայկ Ալումյանն այսօր դատարանում հրապարակեց Նիկոլ Փաշինյանի ներկայիս խորհրդական Արշակ Կարապետյանի ցուցմունքը:

«Նա ասում է` իմ հիշելով 2008–ի փետրվարի 23–ին Քոչարյանը ՊՆ–ի, ԱԱԾ–ի և ոստիկանության բարձրաստիճան ղեկավարների, ուժային կառույցների վարչության և առանձին բաժինների պետերի մասնակցությամբ խորհրդատվություն է անցկացրել։ Նրա խոսքով` այդ խորհրդակցությանը մասնակցել են ուժային կառույցների միայն ղեկավարները։ Խորհրդակցության սենյակում է եղել նաև Սերժ Սարգսյանը, և այն սկսել է լարված մթնոլորտում»,–ասաց պաշտպանը։

Նրա խոսքով` Արշակ Կարապետյանն ասել է նաև, որ Քոչարյանը կամ Սարգսյանը ՀՀ ՊՆ Միքայել Հարությունյանին հարց են ուղղել, թե որտե՞ղ է ԵԿՄ նախագահ Մանվել Գրիգորյանը, իսկ Հարությունյանն ասել է, որ տեղյակ չէ. Հարությունյանին մեղադրել են, որ չի տիրապետում իրավիճակին։

«Արշակյանն ասել է նաև, թե` որքան հիշում եմ` Քոչարյանն ասել է` այսօրվանից` փետրվարի 23–ի կեսգիշերից, հայտարարում եմ արտակարգ դրություն։ Դրան հաջորդել է Սերժ Սարգսյանի առաջարկը` Յուրի Խաչատուրովի գլխավորությամբ առանձին զինվորական վարչակազմ ստեղծելու։ Խորհրդակցության ավարտից հետո սպաների մի հատվածում դժգոհություններ են առաջացել, թե ինչու պետք է ընդգրկվեն Երևանում տեղի ունեցող իրադարձություններին»,–ասաց Ալումյանը։

Ըստ նրա` Սերժ Սարգսյանն էլ իր ցուցմունքում հերքել է Կարապետյանի ասածը` նշելով, որ Քոչարյանը խորհրդակցություն է արել` ԶՈՒ–ին նախազգուշացրել, որ ցուցարարների ղեկավարներն այդ պրոցեսների մեջ են ներգրավվում ԶՈՒ–ի սպաներին։ Սարգսյանի ցուցմունքի համաձայն` ըստ պաշտպանի, այնպես է ստացվում, որ Քոչարյանը խորհրդակցություն է արել, որպեսզի սպաները չներգրավվեն այդ պրոցեսներում։ Ալումյանի խոսքով` Սերժ Սարգսյանն ասել է նաև, որ ցուցարարներին է միացել փոխնախարարներից մեկը։

Ի դեպ, դատախազության ներկայացուցիչները պարբերաբար ընդհատում էին Ալումյանին՝ ասելով, որ ցուցմունքն ամբողջությամբ հրապարակելու անհրաժեշտություն չկա։

Հիշեցնենք, որ Մարտի 1-ի քրեական գործի շրջանակում Քոչարյանը մեղադրվում է սահմանադրական կարգը տապալելու և Սահմանադրական դատարանի որոշման վրա ճնշում գործադրելու համար։

Քոչարյանի փաստաբաններից Հայկ Ալումյանը երեկ` ապրիլի 13-ին, դատական նիստի ավարտին լրագրողներին հայտնել էր, որ պատրաստվում են դատարան հրավիրել Սահմանադրական դատարանի` այն ժամանակվա բոլոր դատավորներին ու նախագահ Գագիկ Հարությունյանին։

Հիշեցնենք նաև, որ Արշակ Կարապետյանը 2008-ի մարտյան իրադարձությունների ժամանակ ընդգրկված է եղել 0038 հրամանով ձևավորված Երևանի կայազորի պետի վարչակազմում և եղել է կայազորի պետի տեղակալը՝ հատուկ հանձնարարությունների գծով։

թեմա:
«Մարտի 1»-ի գործը (199)

Ըստ թեմայի

Մարտի 1-ի գործով դատական նիստը մեկնարկեց. Քոչարյանի որդին ներկա է հոր դատին
Մարտի 1-ի դատն ընդհատվեց. ներկաները դահլիճից հեռացան «ազատություն» և «ամոթ» վանկարկելով
Ովքե՞ր են Մարտի 1-ի գործով վկաները. նախկին նախագահները կկանչվե՞ն դատարան
թեգերը:
Հայաստան, Նիկոլ Փաշինյան, Սերժ Սարգսյան, «Մարտի 1–ի» գործով դատավարություն, Ռոբերտ Քոչարյան

Գլխավոր թեմաներ