18:46 19 հունիսի 2019
Ուղիղ եթեր
  • USD478.04
  • GBP601.18
  • EUR535.55
  • RUB7.47
Ռոբերտ Քոչարյան

Ոչ միայն մենք չգիտենք, թե ինչում է մեղադրվում Քոչարյանը, այլ նաև հանրությունը. պաշտպան

© Sputnik / Aram Nersesyan ,
Հայաստան
Ստանալ կարճ հղումը
Ռոբերտ Քոչարյանի գործը (247)
8510

Ռոբերտ Քոչարյանի պաշտպանը կարծում է, որ մեղադրական եզրակացությունը մոտ հազար էջ է, բայց այն առանձնապես կապ չունի Ռոբերտ Քոչարյանի հետ:

ԵՐԵՎԱՆ, 17 մայիսի — Sputnik. Ցավոք, ՀՀ-ն շարունակում է ունենալ սովետական տիպի դատախազություն, ըստ որի` բոլորին պետք է կալանքի տակ պահել։

Այսօր լրագրողների հետ զրույցում նման կարծիք հայտնեց ՀՀ երկրորդ նախագահի պաշտպան Արամ Օրբելյանը։

Նրա խոսքով` լավ է, որ գլխավոր դատախազը ներկա է լինում նիստերին, սակայն, ըստ նրա, դատախազն իր փակման խոսքում երեկ «համարյա» սպառնաց դատարանին։ Որպես օրինակ` պաշտպանը նշեց, որ հնչել են կոչեր` չհետևել պաշտպանների դիրքորոշումներին։

«Բացի այդ, մենք արդեն ասել էինք, որ Քոչարյանին չի պարզաբանվել իր մեղադրանքի էությունը, իսկ դա ազդում անձի` պաշտպանվելու իրավունքի իրականացման վրա։ Խնդիրն այն է, որ ոչ թե միայն մենք չգիտենք, թե ինչում է մեղադրվում Քոչարյանը, այլ նաև հանրությունը։ Եթե դուրս գաք փողոց ու հարցնեք` ինչում է մեղադրվում Քոչարյանը, տարբեր մարդիկ տարբեր պատասխաններ կտան»,–ասաց պաշտպանը։

Քոչարյանի պաշտպաններից Հովհաննես Խուդոյանը նշեց, որ կարևոր էր դատական նիստերի` դռնբաց լինելը: «Մենք հստակ հարցեր ենք առաջադրել, որ նշեն գործողություններ, որոնք արել է Քոչարյանն ու հիմնավորեն այդ գործողությունները, սակայն դատական նիստերին այս հարցերի պատասխանները չենք ստացել»,-նկատեց նա:

Նրա խոսքով` մեղադրական եզրակացությունը մոտ հազար էջ է, բայց այն առանձնապես կապ չունի Ռոբերտ Քոչարյանի հետ:

Նշենք, որ ասուլիսի վերջում պաշտպանները տեսանյութ ցուցադրեցին, որտեղ երևում է` ինչպես են խմբված ցուցարարների հատվածից ոստիկանների ուղղությամբ «Մոլոտովի կոկտեյլներ» նետում։

թեմա:
Ռոբերտ Քոչարյանի գործը (247)

Ըստ թեմայի

Կա տեսանյութ, որտեղ երևում է` ոստիկանների ուղղությամբ նռնակ են նետում. Քոչարյանի պաշտպան
ԼՂՀ նախագահների քայլը Հայաստանի և Արցախի մոտեցում է, ոչ թե հակառակը. Քոչարյանի փաստաբան
Հնարավոր է` Քոչարյանի երաշխավորագիրը Սահակյանը քննարկել է Փաշինյանի հետ. փորձագետ
թեգերը:
«Մարտի 1–ի» գործով դատավարություն, Ռոբերտ Քոչարյան, Հայաստան

Գլխավոր թեմաներ