18:02 27 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Հայաստան
Ստանալ կարճ հղումը
188 0 0

Վաչագան Ղազարյանի օգտին 4000 դրամ կբռնագանձեն։ Նա շնորհակալություն է հայտնել դատարանին։

ԵՐԵՎԱՆ, 18 մայիսի – Sputnik. ՀՀ վարչական դատարանը՝ դատավոր Գևորգ Սոսյանի նախագահությամբ, երեկ բավարարել է Սերժ Սարգսյանի թիկնազորի նախկին պետ Վաչագան Ղազարյանի (Սերժի Վաչոյի) հայցն ընդդեմ Բարձրաստիճան անձանց էթիկայի հանձնաժողովի։ Այս մասին գրում է armtimes.com–ը։

Դատարանը պարտավորեցրեց հանձնաժողովին՝ ոչնչացնել Վաչագան Ղազարյանի և նրա կնոջ 2017 թվականի տարեկան և 2018 թվականի պաշտոնի դադարեցման հայտարարագրերը և հօգուտ Վաչագան Ղազարյանին բռնագանձել 4000 դրամ որպես դատական ծախս։

Հրապարակումից հետո Վաչագան Ղազարյանը շնորհակալություն հայտնեց դատավորին։

Ապօրինի հարստացման և հայտարարագրման ենթակա տվյալները թաքցնելու համար մեղադրվող Ղազարյանը վարչական դատարան է դիմել 2018-ի սեպտեմբերին՝ պահանջելով ոչ իրավաչափ ճանաչել իր և կնոջ՝ Ռուզաննա Բեգլարյանի 2017 թվականի տարեկան և 2018 թվականի պաշտոնի դադարեցման հայտարարագրերն ընդունելու և դրանք հրապարակելու հանձնաժողովի գործողություները, «Հանրային ծառայության մասին» օրենքով չնախատեսված հայտարարագրեր ճանաչել իր և նրա կնոջ 2017 թվականի տարեկան և 2018 թվականի պաշտոնի դադարեցման հայտարարագրերը, և Բարձրաստիճան անձանց էթիկայի հանձնաժողովին պարտավորեցնել դրանք ոչնչացնել: Ղազարյանը վարչական հայց էր ներկայացրել այն բանից հետո, երբ ՀՀ հատուկ քննչական ծառայությունը իրեն մեղադրանք առաջադրեց ապօրինի հարստացման և հայտարարագրման ենթակա տվյալները թաքցնելու համար։

Վաչագան Ղազարյանն ազատ էր արձակվել 50 միլիոն դրամ գրավի դիմաց։ Նա վերականգնել է պատճառած վնասը։

Ըստ թեմայի

Վաչագան Ղազարյանի կնոջը մեղադրանք են առաջադրել. խնդիրն ապօրինի հարստացումն է
Սերժ Սարգսյանի նախկին թիկնապահը պատրաստ է 6 մլն դոլար նվիրել պետությանը. հայտարարություն
Ոտքի՛, դատարանն է գալիս. նոր Հայաստանի ամենաաղմկահարույց ձերբակալություններն ու կալանքները
Փաշինյանն աշխատանքից ազատել է «Սերժի Վաչոյին»
«Մեղադրյալի աթոռին հայտնվել է նաև Վաչոյի եղբորորդին՝ Աշոտ Ղազարյանը. «Ժողովուրդ»

Գլխավոր թեմաներ