12:12 09 հուլիսի 2020
Ուղիղ եթեր
  • USD485.74
  • GBP608.34
  • EUR547.57
  • RUB6.82
Հայաստան
Ստանալ կարճ հղումը
ՀՀ վարչապետ Նիկոլ Փաշինյան (1054)
21111

ՀՀ վարչապետն իր խոստացած ելույթում խոսեց ոչ միայն որպես գործադիր մարմնի ղեկավար, այլ նաև որպես ՀՀ ժողովրդի ներկայացուցիչ։

ԵՐԵՎԱՆ, 20 մայիսի – Sputnik. ՀՀ վարչապետ Նիկոլ Փաշինյանը հույս ուներ, որ մի շարք դատավորներ կհրաժարվեին իրենց գործից։ Նա այս մասին ասաց այսօր կառավարությունում բարձրաստիճան պաշտոնյաների հետ հանդիպման ժամանակ։

«Ժողովուրդը դատական իշխանությունն ընկալում է նախկին կոռումպացված համակարգի մնացուկ, որտեղ անընդհատ դավադրություններ են նախագծվում ու իրականացվում ժողովրդի դեմ։ Անկախ ամեն ինչից, ակնհայտ է, որ դատական համակարգի որոշումները խորապես անվստահելի են հանրության համար, և սա ասում եմ ոչ միայն որպես վարչապետ, այլևս ՀՀ ժողովրդի ներկայացուցիչ, որն իրավունք ունի խոսել ժողովրդի անունից»,–ասաց նա։

Նրա խոսքով` դատական իշխանության գործունեությունը պարբերաբար ալեկոծություն է առաջացնում հանրության շրջանում։ Նա նշեց, որ չի կարող և չի ուզում դատողություններ անել կայացվող որոշումների հիմնավորվածության մասին, քանի որ դա իր լիազորությունների մեջ չի մտնում։ Չնայած, մյուս կողմից, ըստ նրա` անհնար է դատարանի բոլոր որոշումները նույն արշինով չափել ու նույն գնահատականը տալ։

«Որքանով կարող ենք վստահ լինել, որ այսօրվա դատական համակարգն ի վիճակի է օբյեկտիվ քննություն տանել մարտի 1–ի գործով այն պարագայում, երբ գործադիր իշխանությունների թույլ տրված տասնյակ ապօրինություններ կյանքի են կոչվել դատական գործող համակարգի միջոցով։ Սա երևում է ՄԻԵԴ–ի որոշումներով։ Հույս ունեի, որ մի շարք դատավորներ կհրաժարվեին իրենց գործից, որոնց նախկին գործելաոճն ու նոր Հայաստանի ձգտումներն անհամապատասխան են»,–ասաց նա։

Փաշինյանը նշեց, որ վերջին մեկ տարում տեղի են ունեցել իրադարձություններ, որի արդյունքում կա ժողովրդի վստահությունը վայելող գործադիր իշխանություն, ԱԺ, սակայն վերջին իրադարձություններն ի ցույց են դնում, որ Հայաստանում ինչպես չի եղել, այնպես էլ չկա ժողովրդի վստահությունը վայելող դատական իշխանություն։

Հիշեցնենք` ՀՀ վարչապետ Նիկոլ Փաշինյանը մայիսի 19–ին հայտարարել էր, որ մայիսի 20-ի առավոտյան ժամը 08.30-ից պետք է արգելափակել հանրապետության՝ առանց բացառության բոլոր դատարանների ելքերն ու մուտքերը, այնպես, որ ոչ ոք ներս չմտնի։

թեմա:
ՀՀ վարչապետ Նիկոլ Փաշինյան (1054)

Ըստ թեմայի

Դատավոր Դավիթ Բալայանը փորձում էր պատուհանից ներս մտնել, սակայն նրան ուժով ներքև իջեցրին
Շիրակում դատավորներն աշխատանքի են գնացել 7:40
Քոչարյանի դատավարությունը նպաստեց, որ գործընթացն արագանա. «Իմ քայլի» պատգամավոր
Բողոքի ակցիաները բոլորովին կապ չունեն Քոչարյանի դատական գործընթացի հետ. Լիլիթ Մակունց
Դատավորի հետ կատարվածի վերաբերյալ հաղորդում է ներկայացվել ՀՀ գլխավոր դատախազին
թեգերը:
Նիկոլ Փաշինյան, Հայաստան

Գլխավոր թեմաներ