10:18 02 հուլիսի 2020
Ուղիղ եթեր
  • USD482.52
  • GBP598.08
  • EUR540.76
  • RUB6.79
Հայաստան
Ստանալ կարճ հղումը
ՀՀ վարչապետ Նիկոլ Փաշինյան (1052)
175 0 0

Դատարանների մուտքերը կբացվեն։ Մեկնարկում է դատական բարեփոխումների երկրորդ փուլը։

ԵՐԵՎԱՆ, 20 մայիսի — Sputnik. 13։30 բոլոր դատարանները կբացվեն։ Այս մասին քաղաքացիներին ուղղված իր ֆեյսբուքյան կոչում հայտարարեց ՀՀ վարչապետ Նիկոլ Փաշինյանը` միաժամանակ նաև շնորհակալություն հայտնելով դատարանների մուտքերն արգելափակած քաղաքացիներին։

«Հուսով եմ չեք մրսել։ Ամեն դեպքում, անպայման, տաք թեյ խմեք։ Հաղթանակն անշրջելի է։ Ես սա երաշխավորում եմ ոչ թե իմ անձով, այլ ձեր կամքն ու նվիրվածությունը տեսնելով»,– ասաց Փաշինյանը։

Վարչապետը նշեց, որ դատարանների առաջ կազմակերպված ակցիաները ծառայեցին իրենց նպատակին։ «Հիմա բոլորին ակնհայտ է, որ չի կարող Հայաստանում լինել դատական կոռումպացված համակարգ։ Մեր նպատակը Հայաստանում անկախ դատական համակարգ ունենալն է»,– ասաց Փաշինյանը` հավելելով, որ հակառակ դեպքում հակազդեցությունը լինելու է համաժողովրդական։

Փաշինյանը նաև ներողություն խնդրեց բոլոր այն քաղաքացիներից, որոնց դատական պաշտպանության իրավունքի իրացումն այսօր մի քանի ժամով հետաձգվել է և հայտարարեց, որ այդ անհարմարության նպատակը բացառապես այդ իրավունքների պաշտպանության ինստիտուցիոնալ համակարգի ստեղծումն է։

«Նպատակն արձանագրելն էր, որ Հայաստանում իրապես անկախ դատական համակարգ ունենալու պահանջի մեջ ժողովուրդն ու կառավարությունը միասնական են»,– ասաց Փաշինյանը։

Նա նաև հայտարարեց, որ այսօրվանից Հայաստանում սկսվում է անկախ դատական համակարգ ունենալու փուլը, որի ծրագիրը քննարկվել է դռնփակ անցկացրած քննարկման ընթացքում։ Իսկ թե ինչ քայլեր են մշակվել, Փաշինյանը չցանկացավ մանրամասներ հրապարակել, որպեսզի այդ քայլերի իրականացման ճանապարհին հնարավոր փոփոխությունները քննարկումների առիթ չդառնան։

Հիշեցնենք` ՀՀ վարչապետ Նիկոլ Փաշինյանը մայիսի 19–ին հայտարարել էր, որ մայիսի 20-ի առավոտյան ժամը 08.30-ից պետք է արգելափակել հանրապետության՝ առանց բացառության բոլոր դատարանների ելքերն ու մուտքերը, այնպես, որ ոչ ոք ներս չմտնի։

թեմա:
ՀՀ վարչապետ Նիկոլ Փաշինյան (1052)

Ըստ թեմայի

Նիկոլ Փաշինյանը կոչ է անում քաղաքացիներին վերացնել բոլոր դատարանների արգելափակումը
Գասպարին պառկել է Վճռաբեկ դատարանի առջև. օրվա ընթացքում Քոչարյանի տան առջև էլ կպառկի
Փաշինյանը հայտնեց, թե որ դատավորները պետք է հրաժարական տան կամ աշխատանքից ազատվեն
թեգերը:
Հայաստան, Բողոքի ակցիա, «Թավշյա հեղափոխություն», Նիկոլ Փաշինյան

Գլխավոր թեմաներ