04:27 03 ապրիլի 2020
Ուղիղ եթեր
  • USD504.50
  • GBP628.41
  • EUR551.62
  • RUB6.43
Հայաստան
Ստանալ կարճ հղումը
130 0 0

Սևանա լճում ձկան պաշարների ուսումնասիրության համար բնապահպանության նախարարությունը մինչ օրս գումար չի հատկացրել, մրցույթ էլ չի անցկացրել։ Մասնագետները ահազանգում են` լճում ոչ միայն սիգն է նվազում, այլև արդեն խեցգետինը։

ԵՐԵՎԱՆ, 22 մայիսի — Sputnik. Սևանում սիգի պաշարների մասին պաշտոնական տվյալներ այս տարի թերևս չենք ունենա։ Այսօր լրագրողների հետ հանդիպման ժամանակ այս մասին ասաց ՀՀ ԳԱԱ կենդանաբանության և հիդրոէկոլոգիայի գիտական կենտրոնի տնօրեն Բարդուղ Գաբրիելյանը:

Բանն այն է, որ ՀՀ կառավարությունն այս տարի ձկան պաշարների ուսումնասիրության համար բավարար գումար չի հատկացրել։

«Մենք կունենանք այդ երկարամյա ուսումնասիրությունների խզում։ Եվ մյուս տարի, որքան էլ մենք ունենանք ավելի լավ սարքավորումներ, սխալն ավելի կմեծանա, քանի որ դա մոնիթորինգային հետազոտություն է, և պետք է ամեն տարի ուսումնասիրություն իրականացվի»,– ասաց Գաբրիելյանը։

Բնապահպանության նախարարությունը հայտարարել էր, որ ԳԱԱ կենդանաբանության և հիդրոէկոլոգիայի գիտական կենտրոնի ուսումնասիրությունների տվյալները վստահելի չեն, և որ այս տարվա համար պետք է մրցույթ անցկացվի, քանի որ նախկինում այդ աշխատանքը մշտապես պատվիրվում էր կենտրոնին։

«Ստացվում է, որ շուկաներում խոսացածը կամ ձկնորսների տվյալներն ավելի վստահելի են, քան պաշտոնական խորհրդատուի գիտականորեն հիմնավորվածը»,– ասաց Գաբրիելյանը` հավելելով, որ գիտական կենտրոնը բնապահպանության նախարարությանը հրավիրում է բաց, հրապարակային քննարկման, թե ինչու իրենց տվյալները նախարարության համար վստահելի չեն։

Գաբրիելյանը նշեց, որ ԳԱԱ կենդանաբանության և հիդրոէկոլոգիայի գիտական կենտրոնը ռուսական կողմի ժամանակակից տեխնիկայով Սևանում համատեղ ուսումնասիրություններ անցկացնելու նախնական պայմանավորվածություն ունի ՌԴ գործընկերների հետ։ Բայց ինչպես շեշտեց Գաբրիելյանը, ստացված տվյալներն այդ դեպքում պաշտոնական չեն լինի։

Հարցին, թե ինչի արդյունք է բնապահպանության նախարարության վերոհիշյալ որոշումը, Գաբրիելյանը պատասխանեց. «Սա թերևս արդյունք է նրա, որ ոչ մասնագետ մարդիկ, որոնցից ոմանք նույնիսկ անձնական շահագրգռություն ունեն ու նրանց ձեռնտու չէ, որ մենք գնահատենք ճիշտ քանակները, երևի նախարարության ղեկավարությանը սխալ ինֆորմացիաներ են տալիս։ Նրանք էլ ավելի շատ իրենց են հավատում, քան մեզ»։

ԳԱԱ կենդանաբանության և հիդրոէկոլոգիայի գիտական կենտրոնի տվյալներով` Սևանա լճում սիգի ընդհանուր պաշարն այս պահին 3000 տոննա է, որից 740–ը թույլատրվում է որսալ արդյունագործական նպատակով։ Այդ 740 տոննան հասուն ձկներն են, մնացածը` մանրաձուկը։

Բայց այսօր իրականացվող անկառավարելի որսի ու անթույլատրելի որսի պարագաների կիրառության պատճառով հասուն ձկներից բացի նաև մեծ քանակությամբ մանրաձուկ է որսվում` խաթարելով նոր սերնդի վերարտադրությունը։

Իսկ մանր ձկները Սևանի ափին վաճառվում են 40-50 դրամով։

Գաբրիելյանի խոսքով` արդյունագործական որսի թույլտվություն կարելի է տալ միայն այն ժամանակ, երբ լճում արդյունագործական պաշարը ներկայիս 740 տոննայի փոխարեն հասնի առնվազն 1000–ի։

Ի դեպ, մասնագետների ահազանգը վերաբերում է ոչ միայն սիգին, այլև խեցգետնին, որի պաշարներն արդեն երկու անգամ կրճատվել են։ Այս պարագայում նույնպես պատճառը անվերահսկելի որսն ու անթույլատրելի որսագործիքներն են։

Ըստ թեմայի

Սևանի ամառային հաճույքների լավագույն 7-յակը. էլ ինչո՞վ զբաղվել, եթե լողալն արգելված է
Ջրի տարած միլիարդները. ո՞ւմ գրպանն են հոսել Սևանի փրկության համար հատկացված փողերը
Որսագողության և Սևանի սիգի խնդիրներն ինքնուրույն կլուծվեն. «հիանալի դեղատոմս» կա
Չեղած տեղը խեցգետինն էլ է ձուկ. երբ Սևանի ձկնորսներն անհարգալից ժեստը «վերածեցին» դոլարի
թեգերը:
ձուկ, Սևան, Հայաստան

Գլխավոր թեմաներ