01:08 20 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Արթուր Վանեցյան

Բագրատաշենի անցակետում քաղաքացիները համագործակցել են մաքսային աշխատողի հետ. Վանեցյան

© Sputnik / Aram Nersesyan ,
Հայաստան
Ստանալ կարճ հղումը
12410

ԱԱԾ ղեկավարը խոսել է Բագրատաշենի դեպքերի մասին ու նշել, որ անցակետում իրականացված օպերատիվ միջոցառումը եղել է օրենքին համապատասխան, իսկ քաղաքացիները դիմել են սադրանքի։

ԵՐԵՎԱՆ, 24 մայիսի – Sputnik. Ազգային անվտանգության ծառայության ունեցած տեղեկություններով` ՀՀ քաղաքացիները մաքսային ծառայության որոշ աշխատակիցների հետ պայմանավորվածություն են ձեռք բերել գումարի դիմաց մեծ քանակությամբ ապրանքներ ՀՀ ներմուծելու համար։ Այսօր լրագրողների հետ զրույցում այս մասին ասաց ԱԱԾ տնօրեն Արթուր Վանեցյանը։

Նշենք, որ մի քանի օր է` լարված իրավիճակ է ստեղծվել Բագրատաշենի մաքսատանը։ Թուրքիայից ապրանք բերած առևտրականները պնդում են, որ 6–րդ օրն է` Սահմանապահ զորքերի աշխատակիցներն իրենց փակել են անցակետի անգարում և թույլ չեն տալիս դուրս գալ։

«Բագրատաշենի անցակետում օրենքին համապատասխան միջոցառում է իրականացվել, ԱԱԾ աշխատակիցները որևէ անօրինական քայլ չեն կատարել։ Ընդհակառակը, քաղաքացիները դիմել են սադրանքների ու փորձել են տպավորություն թողնել, որ ինքնասպան կլինեն»,– ասաց Վանեցյանը։

Նա նշեց, որ օրենքով յուրաքանչյուր քաղաքացու թույլատրվում է Հայաստան ներկրել առանց մաքսազերծման 25 կգ բեռ։

«Մեր քաղաքացիները, որոնք պարբերաբար մեկնում են Թուրքիա և բերում ապրանքներ ուղղակի չեն ուզում վճարել մաքսազերծման գումարները։ Խոսքը 20 տոննայից ավելի ապրանքի մասին է, որը բերվել է ՀՀ ու չի վճարվել դրա համար»,– ավելացրեց ԱԱԾ ղեկավարը։

Վանեցյանի խոսքով` իրենց ունեցած տեղեկություններով` մաքսային ծառայության որոշ աշխատակիցների հետ պայմանավորվածություն է ձեռք բերվել կաշառք–գումարի դիմաց այդ ապրանքները ՀՀ ներմուծելու համար։

«ԱԱԾ–ն ֆիքսել է այդ գործընթացը ու կասեցրել։ Աշխատակիցը, որը կասկածվում է կաշառք վերցնելու մեջ, այդ քաղաքացիներին սովորեցրել է, թե աղմուկ բարձրացրեք, ճանապարհ փակեք, դիմեք ծայրահեղ քայլերի,– ասաց Վանեցյանը։

Հարցին, թե չե՞ք բացառում, որ Տավուշի մարզային ԱԱԾ–ականներն են դա արել, նա պատասխանեց, որ չի բացառում, և ԱԱԾ աշխատակիցների մասով էլ քննություն կտարվի։

«Եթե կհաստատվեն, ապա ով թույլ է տվել նման իրավախախտում, ապա օրենքի ողջ խստությամբ կպատժվեն»,– վստահեցրեց ԱԱԾ ղեկավարը։

Նրա խոսքով` իրենք հասկանում են, որ մարդիկ չարչարվում են, տուն են պահում, սակայն ոչ մեկի համար բացառություններ չկան։

«Իրենց 20 տոննա բեռից ձևակերպված է եղել 3 տոննան, իբր թե այդքան է ներկրվել ՀՀ։ Ձևակերպված է եղել ռեզինի խողովակ և հագած շորեր, որի մաքսային վճարները 0–ական են»,– ասաց Վանեցյանը։

Նա հորդորեց քաղաքացիներին, որ չփորձեն սադրանքների դիմել։

թեգերը:
ՀՀ Ազգային Անվտանգության ծառայություն. ԱԱԾ, Արթուր Վանեցյան, Բագրատաշեն անցակետ, Հայաստան

Գլխավոր թեմաներ