19:07 19 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Գագիկ Հարությունյան

Գագիկ Հարությունյանը հրաժարական է տվել

© Sputnik / Asatur Yesayants.
Հայաստան
Ստանալ կարճ հղումը
388 0 0

Բարձրագույն դատական խորհրդի նախագահ Գագիկ Հարությունյանը հրաժարականի դիմում է գրել։

ԵՐԵՎԱՆ, 24 մայիսի – Sputnik. Բարձրագույն դատական խորհրդի նախագահ Գագիկ Հարությունյանն այլևս նպատակահարմար չի համարում իր հետագա աշխատանքը ԲԴԽ նախագահի ու խորհրդի անդամի կարգավիճակներում և հրաժարական է տվել։ ՀՀ դատական դեպարտամենտի հասարակայնության հետ կապերի և արարողակարգի վարչության պետ Արման Խաչատրյանը Facebook սոցիալական ցանցի իր էջում հրապարակել է ԲԴԽ նախագահի դիմումի լուսանկարը։ 

Դրանում մասնավորապես ասված է. «Այլևս նպատակահարմար չեմ համարում իմ հետագա աշխատանքը ԲԴԽ նախագահի ու խորհրդի անդամի կարգավիճակներում»։

Հարությունյանը խնդրում է ԲԴԽ նախագահի պաշտոնում իր լիազորությունները մայիսի 24-ից համարել դադարեցված։

«Վստահ եմ, որ այսուհետ բավարար ժամանակ կունենամ` հատկապես միջազգային մասնագիտական գործակցության շրջանակներում առավել ակտիվ գործունեություն ծավալելու համար` ի բարօրություն ժողովրդի»,– ասված է հրաժարականի դիմումում։

Հիշեցնենք, մինչ այս արդեն լուրեր էին տարածվել Գագիկ Հարությունյանի հրաժարականի մասին, բայց դրանք պաշտոնապես չէին հաստատվում։

Երևանի ընդհանուր իրավասությունների Ավան և Նոր Նորք վարչական շրջանների դատարանը՝ դատավոր Դավիթ Գրիգորյանի նախագահությամբ, մայիսի 17–ին որոշեց ՀՀ երկրորդ նախագահ Ռոբերտ Քոչարյանին անձնական երաշխավորությամբ ազատ արձակել։ Դրանից հետո մայիսի 19–ին Նիկոլ Փաշինյանը ժողովրդին կոչ արեց մայիսի 20–ի առավոտյան փակել հանրապետության բոլոր դատարանների մուտքերը։ Ապա հանդես եկավ հայտարարությամբ, որտեղ նշեց, որ Հայաստանում հեղափոխությունը պետք է իր ավարտին մոտեցնել և բարեփոխել դատական համակարգը։

Նիկոլ Փաշինյանը Facebook–ի իր էջում ուղիղ եթերի ժամանակ ասել էր, որ դատական համակարգում «վիրահատական միջամտության» ժամանակն է։ Այդ գործընթացը պետք է արտահայտվի հետևյալ կերպ` Հայաստանի բոլոր դատավորները «վեթինգի» կենթարկվեն։

Ըստ թեմայի

Բադալյան․ «Իշխանությունն այս պահին դատական համակարգը բարեփոխելու ծրագիր չունի»
Երկրում հեղափոխության նոր փուլ է սկսվել. ԱԽ քարտուղարը` դատարանների բարեփոխումների մասին
Դեմ եմ դատարանների գլուխը կտրելուն. Արա Զոհրաբյան
Սարգսյան. «Իրավիճակն ամբողջությամբ Նիկոլ Փաշինյանի ձեռքում է»
թեգերը:
Դատարան, Հրաժարական, Հայաստան

Գլխավոր թեմաներ