15:31 08 ապրիլի 2020
Ուղիղ եթեր
  • USD499.37
  • GBP614.92
  • EUR543.06
  • RUB6.62
Հայաստան
Ստանալ կարճ հղումը
Sputnik Արմենիան` արևմտահայերենով (229)
122 0 0

Սեւանի մէջ սպիտակ ձուկի արգիլուած որսի պայմաններուն Հայաստանի մէջ ոչ միայն որսացած են, այլեւ պահածոյ ըրած, վաճառած ու արտահանած են: Ի դէպ, բնապահպանութեան փոխնախարարի խօսքով, այդ մասին իմացած են բոլոր պատկան կառոյցները, բայց` լռած: Այսօր, երբ աղմուկն ահագնացած է, նոյն այդ կառոյցները կը վստահեցնեն` այդ մասին, թէ առաջին անգամ կը լսեն:

ԵՐԵՒԱՆ, 27 մայիսի — Sputnik. Նելլի Դանիէլեան. Հայաստանի մէջ կ’արտադրուի Սեւանի սպիտակ ձուկի պահածոյ, որուն որսն արգիլուած է: Համացանցի վրայ մեծ աղմուկ բարձրացուցած այս ահազանգերը, կը պարզուի, պատկան կառոյցներուն դեռ չեն հասած:

Այսպէս, բնապահպանութեան եւ ընդերքի տեսչական մարմնի մամլոյ քարտուղար Վրոյր Պեպանեան, Sputnik Արմենիայի հարցին ի պատասխան, յայտնեց, որ տեսչութիւնը շուկայի մէջ վաճառուող ձկան պահածոներուն մասին տեղեկութիւն չունի: Աւելին` շուկաներուն մէջ վաճառուող Սեւանի սպիտակ ձուկի պահածոյի մասին մեր տեղեկութիւնները տեսչութեան մէջ խոստացան գրանցել որպէս հաղորդում ու ատոր հիման վրայ ուսումնասիրութիւն սկսիլ:

 Консерва сиг в собственном соку
SAS
Ձուկի պահածո

«Ձեր անունով ահազանգ գրանցենք, ես հարցը փոխանցեմ քննարկենք, տեսնենք այդ հարցին ո՞ր կողմէն պէտք է անդրադառնանք` «Սեւան» ազգային պարկին կողմէ, թէ արտադրող ընկերութենէն»,– ըսաւ Պեպանեան` աւելցնելով, որ նախնական ուսումնասիրութիւնները կրնան քանի մը օր տեւել:

ՀՀ ոստիկանութենէն ու դատախազութենէն, Սնունդի անվտանգութեան ծառայութենէն եւս յայտնեցին, որ սպիտակ ձուկի պահածոյի հարցով ուսումնասիրութիւն կամ քննութիւն այս պահուն այդ կառոյցներուն մէջ չիրականացուիր:

Պատկան կառոյցներէն ու յատկապէս բնապահպանութեան եւ ընդերքի տեսչական մարմնէն Sputnik Արմենիային տրուած պատասխանները, մեղմ խօսքով, զարմացուցին Բնապահպանութեան փոխնախարար Այսեր Ղազարեանին, որ, յիշեցնենք, արդէն յայտնած է իր հրաժարականի դիմումին մասին:

Консерва сиг в томатном соусе
SAS
Ձուկի պահածո

Այսեր Ղազարեան յայտնեց, որ բնապահպանութեան եւ ընդերքի տեսչութեան պետը դեռ ամիսներ առաջ զինք այդ նոյն պահածոները ցոյց տուած է: Իսկ երբ փոխնախարարը փորձած է ուսումնասիրել խնդիրը, պարզած է, որ պահածոյացուած ձուկը Հայաստանի մէջ ոչ միայն կը վաճառուի, այլեւ կ’արտահանուի, ընդ որում` ահռելի քանակով, եւ որ ամենակարեւորն է` անօրինական որսի, արտադրութեան ու իրացման մասին տարիներ շարունակ տեղեակ եղած են հէնց բնապահպանութեան նախարարութեան մէջ:

«Ես տեսայ, որ բնապահպանութեան նախարարութենէն թուղթեր կը պատրաստուին, քանի որ կենդանական ու բուսական ծագման ապրանքատեսակներու միջազգային առեւտուրը պէտք է թոյլտւութիւնով իրականացուի: Կցուած փաստաթուղթերը zip ֆայլով բացի եւ տեսայ, որ ապրանքատեսակը, որ պէտք է մաքսակէտով անցնի, 2 տողով նշուած էր` «Սեւանի սիկի պահածոյ` իւղով, տոմատի սոուսով» ու քանակը` ահռելի` մասնաւորապէս` թուղթի մը վրայ աւելի քան 100 000 տուփ էր: Ես ատիկա բարձրաձայնեցի: Նոյնիսկ կենսապաշարներու գործակալութեան պետը ըսաւ. «ինչո՞ւ, մենք միշտ ալ տեսած ենք»,– պատմեց փոխնախարարը:

Консерва сиг в томатном соусе
Ecofood
Ձուկի պահածո

Այսեր Ղազարեան դիմած է նաեւ ՊԵԿ` հարցում ընելով 2012- 2019–ին ՀՀ սահմանով անցած Սեւանի ձուկի ծաւալները:

«Պարզուեցաւ, որ ամենամեծ քանակը 2018–ի մայիսէն եղած է: Այդ թուղթերը մենք ուղարկեցինք բնապահպանական տեսչութիւն»,– ըսաւ Ղազարեան:

Բնապահպանութեան փոխնախարարը կը շեշտէ, որ Սեւանի մէջ սպիտակ ձուկի որսն արդէն 6 տարի է, որ արգիլուած է, հետեւաբար ատոր որեւէ քանակի արտադրութիւն ու վաճառք` անկախ տարուան ժամանակահատուածէն, անօրինական է:

Նոյն տեսակէտը մեզի հետ զրոյցին յայտնեց նաեւ ՀՀ ԳԱԱ կենդանաբանութեան եւ hydroecology գիտական կեդրոնի տնօրէն Բարդուղ Գաբրիէլեան` նշելով, որ յիշեալ պահածոներու արտադրութեան ժամկէտները կը յուշեն, որ ատոնք չէին կրնար արտադրուիլ 2013–էն առաջ, երբ սպիտակ ձուկի արդիւնագործական որսը դեռ արգիլուած չէր:

«Ատիկա չի կրնար ըլլալ, ըսենք` 6 տարի առաջուան արտադրութիւն: Իսկ Սեւանի մէջ 6 տարի է արդէն, ինչ օրինական որս չկայ: Եւ ուրիշ տեղ ալ սպիտակ ձուկ չկայ: Եւ այնտեղ գրուած է հէնց «Սեւանի սիկ»,– ըսաւ Գաբրիէլեան:

Հայաստանեան խոշոր առեւտուրի ցանցերուն մէջ այսօր ալ կը վաճառուին Սեւանի սպիտակ ձուկի պահածոներ տարբեր տեսակի` լօլիկի ջուրով ու սեփական հիւթի մէջ: Օրինակ «ՍԱՍ» սուփըրմարքեթի առ-ցանց առեւտուրի հարթակով հրապարակուած տեղեկատուութեան համաձայն, 250 կրամանոց պահածոյի գինը 1250 դրամ է:

Արտադրողը «Գալիլիա» ՍՊԸ–ն է: Այս ընկերութիւնը կը կապուի Սեւան ԱՊ տնօրէն Վահէ Գուլանեանի ու նախկին ոստիկանապետ Վլադիմիր Գասպարեանի անուան հետ: Պետական արձանագրութեան կայքին մէջ հրապարակուած պաշտօնական տեղեկատուութեան համաձայն, ատոր սեփականատէրը Հեղուշ Բագրատի Գալստեանն է: Ընկերութիւնը հիմնադրուած է 2014–ին:

Սեւանի սպիտակ ձուկի պահածոյ կ’արտադրէ նաեւ «Էկօ Ֆուդ» ՍՊԸ-ն:

Ընկերութեան կայքին վրայ հրապարակուած տեղեկութեան համաձայն, սպիտակ ձուկի պահածոյի պահպանման ժամկէտը 18 ամիս է, որ կը նշանակէ, որ այս վաճառուող պահածոն չէր կրնար արտադրուիլ սպիտակ ձուկի որսի արգելքի վերջին 6 տարիներէն առաջ:

թեմա:
Sputnik Արմենիան` արևմտահայերենով (229)

Ըստ թեմայի

12 օր է` ինքնաշարժի մէջ կը քնանամ. 1 օրուան մէջ «փլեցան» Սահակեան ընտանիքի ծրագիրները
Հայաստանի մէջ վարորդներու տուգանքները կը նուազին, բայց վարորդական իրաւունքէն կը զրկուին
Փաշինեան դաւադիր մտադրութիւն կը տեսնէ Արցախի հարցին մէջ եւ կը խոստանայ ամենակոշտ միջոցներ
Թրքական դրուագաշարին մէջ հայը կը ներկայացուի որպէս ստոր եւ դաւաճան մարդ

Գլխավոր թեմաներ