10:30 29 մարտի 2020
Ուղիղ եթեր
  • USD498.43
  • GBP608.88
  • EUR548.22
  • RUB6.40
Հայաստան
Ստանալ կարճ հղումը
202 0 0

Բուքմեյքերական ընկերության աշխատակիցներն Արարատ Միրզոյանի հետ հանդիպում են պահանջում։

ԵՐԵՎԱՆ, 29 մայիսի — Sputnik. Բուքմեյքերական ընկերության աշխատակիցներն Ազգային ժողովի դիմաց բողոքի ակցիա են իրականացնում ԱԺ տնտեսական հարցերի մշտական հանձնաժողովի` բուքմեյքերական գրասենյակների գործունեության վերաբերյալ ընդունած որոշման դեմ:

Բողոքի ակցիա իրականացնողները քիչ առաջ փակեցին Բաղրամյան պողոտան։

«Որ իրենք էին փակում, լա՞վ էր։ Օրեր առաջ դատարանների դռներն էին փակել, մենք էլ հիմա փողոցն ենք փակել»,–ասաց նրանցից մեկը։

Акция протеста у здания парламента (29 мая 2019). Еревaн
© Sputnik / David Galstyan
Բողոքի ակցիա Երևանում

«Օնլայն մոլախաղերը պետությանը հարկ չեն վճարում», «Ո՛չ մենաշնորհին» պաստառներով ցուցարարները նշում են, որ բուքմեյքերական գրասենյակները փակելով` իշխանությունը նպաստում է, որ օնլայն տիրույթում գործող ընկերությունների համար մենաշնորհ հաստատվի:

Նրանք ԱԺ նախագահ Արարատ Միրզոյանի հետ հանդիպում են պահանջում։

Հիշեցնենք` ՀՀ կառավարությունը հավանության էր արժանացրել վիճակախաղերի կազմակերպման պայմանները խստացնելու մասին նախագծին, որը մշակվել է խաղամոլության դեմ պայքարի շրջանակում։

Նախագծի համահեղինակներն են պատգամավոր Նաիրա Զոհրաբյանը («Բարգավաճ Հայաստան» խմբակցություն), ԱԺ փոխխոսնակ Ալեն Սիմոնյանը և պատգամավոր Սիփան Փաշինյանը («Իմ քայլը խմբակցություն»)։ Հեղինակների կարծիքով` օրինագծում փոփոխությունների ընդունումը կարևոր քայլ է խաղամոլության դեմ պայքարի գործում։

Բուքմեյքերական գրասենյակների գործունեությունը արգելելու դրույթը ուժի մեջ կմտնի 2020 թվականի նոյեմբերից։

Ըստ թեմայի

Հայ բուքմեյքերը հավաքում է խաղասարքերը, բայց պայքարելու է օրենքի խստացման դեմ
Բուքմեյքերական գրասենյակներին թույլ կտան աշխատել ևս մի տարի. օրենքի նախագիծը մեղմացվել է
Ուր գնացել եմ, բողոքել են, թե էսպես ո՞նց կլինի. Փաշինյանը լսեց բուքմեյքերներին
թեգերը:
բուքմեյքեր, Բողոքի ակցիա, Հայաստան

Գլխավոր թեմաներ