09:23 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Քննչական կոմիտե

Սոցապնախարարության վեց աշխատակիցների քրեական գործով մեղադրանքներ են առաջադրվել

© Photo: official site of the Investigative Committee of RA
Հայաստան
Ստանալ կարճ հղումը
131 0 0

Բացահայտվել են կեղծ փաստաթղթերի հիման վրա պետությունից ավելի քան 4 մլն դրամ հափշտակելու դեպքերը։ Նախարարության 6 աշխատակցի մեղադրանք է առաջադրվել։

ԵՐԵՎԱՆ, 3 հունիսի — Sputnik. ՀՀ աշխատանքի և սոցիալական հարցերի նախարարության սոցիալական ապահովության պետական ծառայությունում կատարված քննության արդյունքում հարուցված քրեական գործով մեղադրանք է առաջադրվել նախարարության 6 աշխատակցի, այդ թվում` վարչության ու բաժնի պետերի:

Ինչպես հայտնում են ՀՀ դատախազությունից, նախաքննությամբ պարզվել է, որ 2014թ. հունվարից 2017թ սեպտեմբեր ընկած ժամանակահատվածում սոցիալական ապահովության պետական ծառայության աշխատակիցները ծառայության տարբեր տարածքային բաժիններ կամ գործուղման մեկնելու պատրվակով ծառայողական ավտոմեքենաները վառելիքով լիցքավորելու կեղծ զեկուցագրեր են ներկայացրել, դրանց հիման վրա ստացել աշխատակազմի ղեկավարի համապատասխան հրամաններ, որոնցով էլ 9307 լիտր բենզին է հատկացվել։

Նախաքննությունն ապացուցել է, որ ծառայության աշխատակիցներն իրականում գործուղումների չեն մեկնել և հափշտակել են հատկացված բենզինը՝ պետությանը պատճառելով ընդհանուր 3.567.800 ՀՀ դրամի վնաս:

Բացի այդ ծառայության աշխատակիցները նաև տարածքային բաժիններ գործուղված լինելու մասին տարածքային բաժինների պետերի ստորագրությամբ և կնիքով հաստատված փաստաթղթեր են ներկայացրել ու դրանցով ևս 636.400 ՀՀ դրամ գումար հափշտակել։

Բացահայտման արդյունքում Աշխատանքի և սոցիալական հարցերի նախարարության 6 աշխատակցի (տեղեկատվական տեխնոլոգիաների և ռիսկերի կառավարման վարչության պետ, տնտեսական բաժնի պետ, 2 գլխավոր մասնագետ, պարետ, խորհրդատու) մեղադրանքներ են առաջադրվել

Հարուցված քրեական գործի նախաքննությունը ՀՀ քննչական կոմիտեում շարունակվում է։

Ըստ թեմայի

Ի՞նչ կռվի մեջ է ընկել Արման Եղոյանը. պարզաբանում է պատգամավորը
Վարկային միջնորդները կտուգանվեն. պատգամավորները հավանություն տվեցին օրինագծին
Հայաստանում բանտարկյալներին պահելու պայմանները կբարելավվեն. ԱԺ–ն ընդունեց փոփոխությունները
թեգերը:
բենզին, ՀՀ քննչական կոմիտե, Քննություն, չարաշահում, Հայաստան

Գլխավոր թեմաներ