16:18 23 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Դիրքեր

«Չեմ ցանկանա, որ Հայաստանը փակվի». Մանուկյանի կարծիքով ԱԺ–ն չպիտի քննի ապրիլյան պատերազմը

© AFP 2018 / KAREN MINASYAN
Հայաստան
Ստանալ կարճ հղումը
121 0 0

Կոռուպցիայի դեմ պայքարելով չի կարելի քանդել ինչ-որ բաներ։ Հանրային խորհրդի նախագահը քննադատել է ԱԺ նախագահի որոշումը։

ԵՐԵՎԱՆ, 3 հունիսի — Sputnik. 2016 թվականի ապրիլյան պատերազմի հանգամանքներն ուսումնասիրող Ազգային ժողովի քննիչ հանձնաժողովի ստեղծումը վտանգավոր է։ Այսօր լրագրողների հետ զրույցում նման կարծիք հայտնեց Հանրային խորհրդի նախագահ Վազգեն Մանուկյանը։

«Նախ և առաջ ես պետք է ասեմ, որ Ազգային ժողովին բանակի գործերին խառնվել չի կարելի։ Տեսնելով, թե ինչ էր կատարվում նախորդ ամիսներին, ես համոզված եմ, որ խառնվելու են մինչև վերջ»,– ասաց Մանուկյանը` հավելելով, որ դեմ է ապրիլյան պատերազմի խնդիրները խորհրդարանում քննարկելուն։

Ինչ վերաբերում է բանակին, Մանուկյանը չհերքեց, որ դրանում կոռուպցիա կա։ «Բայց կոռուպցիայի դեմ պայքարելով չի կարելի քանդել ինչ-որ բաներ»,– ասաց նա։

Որպես օրինակ Հանրային խորհրդի նախագահը հիշեցրեց ռուսական «Ավելորդը« ֆիլմի սյուժեն, որտեղ գլխավոր հերոսի պայքարն իր ընտանիքին պատկանող բիզնեսում առկա կոռուպցիայի դեմ հանգեցրեց ընկերության փակվելուն։

«Ես չեմ ցանկանա, որ Հայաստանը փակվի»,– ասաց Մանուկյանը։

Հիշեցնենք` մայիսի 31–ին Ազգային ժողովի նախագահ Արարատ Միրզոյանը հայտարարել էր 2016 թվականի ապրիլյան քառօրյա պատերազմի հանգամանքների ուսումնասիրության քննիչ հանձնաժողով ստեղծելու մասին:

Ազգային ժողովի կանոնակարգի համաձայն՝ քննիչ հանձնաժողովը պետք է ղեկավարի Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:

Մայիսի 20-ին ՀՀ վարչապետ Նիկոլ Փաշինյանը դատաիրավական համակարգի վերաբերյալ ընդարձակ ելույթի ընթացքում նշել էր, որ հասունացել է 2016 թվականի ապրիլյան պատերազմի հանգամանքներն ուսումնասիրող Ազգային ժողովի քննիչ հանձնաժողով ստեղծելու և մեզ բոլորիս հուզող մի շարք հարցերի պատասխանները ստանալու ժամանակը:

Ըստ թեմայի

«Իրականում». Ադրբեջանում չեն ուզում ընկալել ապրիլյան դեպքերի դասերը
Նախկինում երազելով էի ապրում. զրույց` ապրիլյան քառօրյայի մասնակից Սաշա Գալստյանի մոր հետ
Ապրիլյան պատերազմի 23 զոհերի գործերը կքննարկվեն եվրոպական դատարանում. Արցախի ՄԻՊ
թեգերը:
Արարատ Միրզոյան, ԱԺ, Ապրիլյան քառօրյա պատերազմ, Վազգեն Մանուկյան, Հայաստան

Գլխավոր թեմաներ