03:10 07 դեկտեմբերի 2019
Ուղիղ եթեր
  • USD478.03
  • GBP627.41
  • EUR530.47
  • RUB7.50
«Զվարթնոց» օդանավակայան

Հայաստանի ուղղությամբ ուղևորահոսքը 2019 թվականին նորից կաճի ավելի քան 10%–ով. Ավետիսյան

© Sputnik / Asatur Yesayants
Հայաստան
Ստանալ կարճ հղումը
49 0 0

Ուղևորների թիվը Երևանում աճել է 10%–ով, իսկ Գյումրիում` միանգամից 57%–ով։ Ընդ որում` ավելանում են ուղևորությունները և՛ Ռուսաստանի, և՛ այլ երկրների ուղղությամբ։

ԵՐԵՎԱՆ, 4 հունիսի - Sputnik. 2019 թվականին ուղևորահոսքը դեպի Հայաստան կրկին կարող է ավելի քան 10%–ով աճել։ Sputnik Արմենիայի թղթակցի հետ զրույցում այս մասին ասաց «Արմենիա միջազգային օդանավակայաններ» ընկերության տնօրեն Սերգեյ Ավետիսյանը։

2001 թվականից ընկերությունը ղեկավարում է նաև Երևանի «Զվարթնոց» և Գյումրու «Շիրակ» օդանավակայանները։ 2018 թվականին այս երկու օդանավակայանների ընդհանուր ուղևորահոսքն աճել է գրեթե 12%–ով ու կազմել 2 միլիոն 587 հազար մարդ։

Ընդ որում, «Զվարթնոցի» ուղևորահոսքն աճել է 10%–ով ու կազմել է 2 միլիոն 448 հազար մարդ, իսկ «Շիրակ» օդանավակայանում միանգամից 57%–ով ու կազմել է մոտ 166 հազար մարդ։

Գյումրու օդանավակայանում դրան նպաստել են «Պոբեդա» («Աերոֆլոտի» դուստր ընկերությունն է) լոուքոստերի չվերթերը։ Իսկ «Զվարթնոցում» աճը գրանցվել է գրեթե բոլոր ուղղություններով։

«Շատացել են ուղևորներն ու չվերթերը ոչ միայն Ռուսաստանի ուղղությամբ, այլև դեպի եվրոպական երկրներ և այլ ուղղություններով», – ավելացրեց Ավետիսյանը։

Տարվա սկզբից Երևանում ու Գյումրիում ուղևորների երկնիշ աճ է գրանցվել։ Նրա խոսքով` 2019 թվականն էլ է նման դինամիկայով ավարտվելու։

Նա նշեց, ոչ ուղևորների թիվն աճել է հիմնականում փոխադրողների մրցակցության պատճառով։

«Որքան ավելի մեծ է մրցակցությունը, այնքան ավելի ցածր են գները, մեծ է պահանջարկը։ Մեր ուղևորափոխադրողները փորձում են ավելի գրավիչ դառնալ ուղևորների համար, ու դա շատ լավ է», – ավելացրեց նա։

Արտասահմանյան ավիաընկերությունների հետ առաջվա պես քննարկվում են Հայաստանի միջով տարանցումային թռիչքների հնարավորությունները։ Այդպիսի փորձ արդեն կա. նախորդ տարի թուրքմենական ավիաընկերությունը Աշխաբադից Ֆրանկֆուրտ չվերթն իրականացնում էր Երևանով։ Այդ չվերթերն առայժմ դադարեցվել են, բայց ըստ Ավետիսյանի` չի բացառվում, որ նոր ընկերություններ հայտնվեն։

Հիշեցնենք` «Արմենիա միջազգային օդանավակայաններ» ընկերությունը կառավարում է Երևանի և Գյումրու օդանավակայանները։ Ընկերությունը պատկանում է արգենտինահայ միլիարդատեր Էդուարդո Էռնեկյանին։

 

Ըստ թեմայի

Ռուսական ավիաընկերությունը Հայաստանում մի քանի հարյուր հազար դոլարի պարտք է կուտակել
Կառավարությունն ուսումնասիրում է Հայաստանի ավիափոխադրումների ոլորտը
Ռևազյան. «Շատ լավ կլինի, որ մենք ունենանք տեղական ավիափոխադրող»
թեգերը:
«Զվարթնոց» օդանավակայան, Հայաստան

Գլխավոր թեմաներ