05:37 31 մարտի 2020
Ուղիղ եթեր
  • USD500.80
  • GBP620.19
  • EUR554.34
  • RUB6.30
Հայաստան
Ստանալ կարճ հղումը
Մանվել Գրիգորյանի շուրջ ծավալված իրադարձությունները (228)
546 0 0

Մանվել Գրիգորյանին «Նաիրի» ԲԿ-ից տեղափոխել են «Դատապարտյալների հիվանդանոց» ` նրա կամքին հակառակ։

ԵՐԵՎԱՆ, 4 հունիսի — Sputnik. Գեներալ Մանվել Գրիգորյանի պաշտպանները հանցագործության մասին հաղորդում են ներկայացրել ոստիկանություն։ Այս մասին լրագրողների հետ զրույցում հայտնեց Գրիգորյանի պաշտպաններից Լևոն Բաղդասարյանը։

«Գրիգորյանը բուժում էր ստանում «Նաիրի» ԲԿ-ում, սակայն «Դատապարտյալների հիվանդանոց» ՔԿՀ-ն գրություն է ուղարկել «Նաիրիին», որ իրենք կարող են ապահովել անհրաժեշտ բուժօգնությունը։ Սրա հիմքով էլ Գրիգորյանին «Նաիրի» ԲԿ-ից դուրս են գրել ու տեղափոխել «Դատապարտյալների հիվանդանոց»։ Օգտվելով իր սահմանադրական իրավունքից` Գրիգորյանը դեմ է արտահայտվել այս որոշմանը»,–հայտնեց պաշտպանը։

Նրա խոսքով` մինչև առավոտյան ժամը 4-5-ը պաշտպանական կողմին արգելել են տեսակցել Մանվել Գրիգորյանին: Վերջինս իր պաշտպանին ասել է, որ հրաժարվում է այդտեղ բուժում ստանալ, ինչը, ըստ պաշտպանի, նշանակում է, որ Գրիգորյանն անօրինական է պահվում «Դատապարտյալների հիվանդանոցում»։

Այս ամենը հաշվի առնելով`Գրիգորյանի պաշտպանները ոստիկանությանը հանցագործության մասին հաղորդում են ներկայացրել:

Փաստաբանի խոսքով` իր պաշտպանյալը «Նաիրիում» բուժում էր ստանում իր հարազատների հաշվին, այլ ոչ թե պետության։ «Սա խոշտանգման դասական օրինակ է, քանի որ անձի սահմանադրական իրավունքն է, որ ինքը որոշի` ինչպես պետք է ստանա իր բուժումը, ինչ միջոցներով»,–ասաց նա։

Հիշեցնենք, որ այսօր Գրիգորյանի և նրա կնոջ` նույն գործով ամբաստանյալ Նազիկ Ամիրյանի դատական նիստն էր, որին Գրիգորյանը չէր մասնակցում` առողջական խնդիրներից ելնելով։ Մեղադրյալի բացակայության պատճառով էլ դատարանը որոշեց հետաձգել նիստը։ Հաջորդ դատական նիստը կկայանա հունիսի 11–ին, ժամը 12–ին։

Նազիկ Ամիրյանն ի՞նչ կապ ունի. մանրամասներ Մանվել Գրիգորյանը դռնփակ դատական նիստից

Մանվել Գրիգորյանը մեղադրվում է 6 հոդվածով` ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու մեջ:

Նրան մեղադրանք է առաջադրվել 2018 թ. հունիսի 19-ին։

Հիշեցնենք, որ երեկ երեկոյան գեներալ Մանվել Գրիգորյանին սայլակով դուրս են տարել Նաիրի բժշկական կենտրոնից։

Նրա պաշտպան Արսեն Մկրտչյանը նշել է, որ Գրիգորյանի բուժումը շարունակվելու է դատապարտյալների հիվանդանոցում։

ՄԻԵԴ-ը մերժել է Մանվել Գրիգորյանի գործով միջանկյալ միջոց ձեռնարկելու պահանջը

թեմա:
Մանվել Գրիգորյանի շուրջ ծավալված իրադարձությունները (228)

Ըստ թեմայի

«Հերոսը չի սողում, իսկ շոու սարքելը հեշտ է». Նազիկ Ամիրյանը`Մանվել Գրիգորյանի մասին
Մանվել Գրիգորյանի պաշտպանական խումբը կդիմի Եվրոպական դատարան
Ինչո՞ւ Արցախի նախագահները Մանվել Գրիգորյանի համար էլ դիմում չեն գրել. Փաշինյան
թեգերը:
հիվանդանոց, Դատարան, Հայաստան, Մանվել Գրիգորյան

Գլխավոր թեմաներ