23:37 22 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Սերժ Սարգսյանը Արցախում. արխիվային լուսանկար

Ապրիլյան պատերազմի քննիչ հանձնաժողով կարող է հրավիրվել Սերժ Սարգսյանը

© Photo: official site of the President of RA
Հայաստան
Ստանալ կարճ հղումը
7–րդ գումարման Ազգային ժողով (79)
12710

Ապրիլյան պատերազմի հարցով ԱԺ քննիչ հանձնաժողովի առաջին նիստը նախատեսվում է անցկացնել այսօր, եթե ԱԺ լիագումար նիստն ավարտվի մինչև աշխատանքային օրվա ավարտը։

ԵՐԵՎԱՆ, 4 հունիսի — Sputnik. Ապրիլյան պատերազմի հարցով ԱԺ քննիչ հանձնաժողովի նիստերին կարող է հրավիրվել նաև ՀՀ երրորդ նախագահ, 2016թ–ին բանակի գերագույն գլխավոր հրամանատար Սերժ Սարգսյանը։

Այս մասին այսօր ԱԺ–ում լրագրողների հետ զրույցում ասաց պաշտպանության և անվտանգության հարցերի մշտական հանձնաժողովի անդամ, «Իմ քայլը» խմբակցության պատգամավոր Տիգրան Կարապետյանը։

«Որևէ անձի հրավիրելու կաշկանդվածություն չունենք՝ անկախ նրանից՝ ներկա, թե նախկին պաշտոնյա է: Քննելու ենք բոլոր գործընթացները, և եթե անհրաժեշտություն առաջանա Սերժ Սարգսյանին հրավիրել, կհրավիրենք»,- ասաց նա։

Նրա խոսքով` հանձնաժողովն իր աշխատանքները կսկսի և եթե աշխատանքի ընթացքում անհրաժեշտություն առաջանա որևէ նախկին կամ ներկա պաշտոնյայի պարզաբանումները լսելու, նրանք կհրավիրվեն նիստին։

«Այդ մարդիկ նախկինում պաշտոններ են զբաղեցրել։ Մենք չենք կարող անմեղության կանխավարկածը խախտել և ասել, որ նրանք մեղավորություն ունեն, բայց, եթե անհրաժեշտություն առաջանա լսել որևէ մեկին, կարծում եմ՝ խնդիր չի լինի»,– ասաց Կարապետյանը։

Հիշեցնենք` մայիսի 31–ին Ազգային ժողովի նախագահ Արարատ Միրզոյանը հայտարարել էր 2016 թվականի ապրիլյան քառօրյա պատերազմի հանգամանքների ուսումնասիրության քննիչ հանձնաժողով ստեղծելու մասին:

Անցյալին վերադարձ չի լինի. Դավիթ Բաբայանը`25–ամյա վաղեմության հրադադարի համաձայնագրի մասին

Ազգային ժողովի կանոնակարգի համաձայն՝ քննիչ հանձնաժողովը պետք է ղեկավարի Պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:

Մայիսի 20-ին ՀՀ վարչապետ Նիկոլ Փաշինյանը դատաիրավական համակարգի վերաբերյալ ընդարձակ ելույթի ընթացքում նշել էր, որ հասունացել է 2016 թվականի ապրիլյան պատերազմի հանգամանքներն ուսումնասիրող Ազգային ժողովի քննիչ հանձնաժողով ստեղծելու և մեզ բոլորիս հուզող մի շարք հարցերի պատասխանները ստանալու ժամանակը:

Նախատեսվում է, որ հանձնաժողովն առաջին նիստը կանցկացնի այսօր ` ԱԺ լիագումար նիստի ավարտից հետո։

թեմա:
7–րդ գումարման Ազգային ժողով (79)

Ըստ թեմայի

Բաց նամակ ՀՀ վարչապետ Նիկոլ Փաշինյանին` ապրիլյան պատերազմի հերոս Հրանտ Սարկիսովից
Նախկինում երազելով էի ապրում. զրույց` ապրիլյան քառօրյայի մասնակից Սաշա Գալստյանի մոր հետ
Ապրիլյան պատերազմի 23 զոհերի գործերը կքննարկվեն եվրոպական դատարանում. Արցախի ՄԻՊ
թեգերը:
Ապրիլյան քառօրյա պատերազմ, Սերժ Սարգսյան, ԱԺ, Հայաստան

Գլխավոր թեմաներ