09:17 28 հոկտեմբերի 2020
Ուղիղ եթեր
  • USD493.18
  • GBP642.22
  • EUR582.25
  • RUB6.44
Հայաստան
Ստանալ կարճ հղումը
24820

ՀՅԴ ԳՄ անդամ Գեղամ Մանուկյանն արդեն գնացել է ոստիկանություն ու ասել, որ ինքն է ծեծել Վարդան Հարությունյանին։

ԵՐԵՎԱՆ, 4 հունիսի — Sputnik. Մի խումբ մարդիկ յուրօրինակ «ֆլեշմոբ» են սկսել` նրանք հայտարարում են, որ իրենք են ծեծել Վարդան Հարությունյանին ու ներկայանում են Կենտրոնի ոստիկանություն։

Նրանցից մեկն էլ ՀՅԴ ԳՄ անդամ Գեղամ Մանուկյանն է։ Նա Sputnik Արմենիային հայտնեց, որ ինքն արդեն գնացել է ոստիկանություն ու հայտնել, որ ինքն է ծեծել Հարությունյանին։

«Արդեն գնացել եմ ոստիկանություն ու հաղորդում տվել, որ, այո, ես եմ ծեծել նրան»,–ասաց Մանուկյանը։

Նշենք, որ Մանուկյանը Facebook–ի իր էջում գրել էր այս մասին ու հայտնել, որ գնում է ոստիկանություն։ «Հայտնեմ, որ երեկ հայտարարություն արած բերանը ամեն տեղ, այդ թվում սոցցանցերում շաղ տված, մեր ազգային արժեքները ստորացնող, Արցախն ու հոգեւոր արժեքները հայհոյող, մանուկների աչքի առաջ պապու վրա հարձակվող ոմն Վարդան Հարությունյանին ես եմ ծեծել։ Մեկն եմ նրանցից, որ դաստիարակչական ապտակ կտայի։ Այժմ գնում եմ, ներկայանալու իրավապահներին»,–գրել է նա։

Նրա գրառման տակ մի շարք մարդիկ գրել են, որ ոչ թե Գեղամն, այլ հենց իրենք են ծեծել Հարությունյանին։

Հիշեցնենք, որ ՀԱԿ ակտիվիստ Վարդան Հարությունյանը ֆեյսբուքյան իր էջում տեղեկացրել է, որ հարձակվել են իր վրա և բռնության ենթարկել նրան: Ակտիվիստն իրեն բռնության ենթարկելու համար մեղադրում է դաշնակցականներին և ՀՀ երկրորդ նախագահ Ռոբերտ Քոչարյանի համախոհներին:

ՀՀ ոստիկանությունում  դեպքի առնչությամբ հարուցվել է քրեական գործ։

Ըստ թեմայի

«Դուխովի» ժամանակն անցել է, ժամանակն է գործել խելքով ու մտքով. ՀՅԴ–ն հանրահավաք է անում
ՀՅԴ–ն ռեբրենդինգի գործընթաց է սկսել. քաղտեխնոլոգ
Համահայկական օրակարգի խնդիրներ են քննարկել նախագահն ու ՀՅԴ ներկայացուցիչները
թեգերը:
ՀՀ Ոստիկանություն, Հայ ազգային կոնգրես (ՀԱԿ), Հայ Յեղափոխական Դաշնակցություն, Հայաստան

Գլխավոր թեմաներ