03:10 17 սեպտեմբերի 2019
Ուղիղ եթեր
  • USD476.16
  • GBP592.63
  • EUR526.54
  • RUB7.43
Արման Թաթոյան

Անհանդուրժողականությունը և ատելությունը կվերածվեն բռնության. Թաթոյանն անհանգստացած է

© Sputnik / Asatur Yesayants
Հայաստան
Ստանալ կարճ հղումը
6810

ՄԻՊ–ի խոսքով` մարդիկ սոցիալական ցանցերում բաժանված են խմբերի, նրանք իրար վրա «հեղափոխականների» և «հակահեղափոխականների» պիտակներ են կպցնում։

ԵՐԵՎԱՆ, 4 հունիսի — Sputnik. Սոցիալական ցանցերում անհանդուրժողականության և ատելության մթնոլորտի պահպանումը հղի է իրականության մեջ բռնության դրսևորումներով, խորհրդարանում ելույթի ընթացքում հայտարարեց մարդու իրավունքների պաշտպան Արման Թաթոյանը։

Թաթոյանի խոսքով` սոցիալական ցանցերում իրավիճակը անհանգստություն է պատճառում։

«Փողոցում ժպտացող մարդը կարող է ատելությամբ, վիրավորանքով լի հաղորդագրություն գրել սոցիալական ցանցում։ Տպավորություն է ստեղծվում, որ հասարակությունը բաժանվում է խմբերի, նրանք միմյանց վրա կպցնում են «հեղափոխականների» և «հակահեղափոխականների» պիտակներ և վիրավորում իրար», – ասաց Թաթոյանը։

ՀՀ ՄԻՊ–ն ասում է` չի կարելի հասարակությունը բաժանել նման կատեգորիաների։ Նրա կարծիքով` ներկա իրավիճակի պահպանումը և զարգացումը կարող է ապագայում հանգեցնել բռնության։

«Երբ սոցիալական ցանցերում խմբի կամ մարդու դեմ սկսվում է կազմակերպված արշավ, օգտագործվում են տվյալներ անձնական կյանքից, խախտվում են նրա իրավունքները», – նշեց Թաթոյանը` ասելով, որ պետք է փոխել իրավիճակը, այդ թվում` օրենսդրական ճանապարհով։

Թաթոյանի խոսքով` ինքն է նույնիսկ ստիպված է եղել անձամբ բախվել դրա հետ։

Օմբուդսմենը համոզմունք է հայտնել, որ իրավիճակի վրա կարող են ազդել իշխանությունները, որոնք իրենց խոսքերով, կոչերով պետք է նպաստեն հասարակության մեջ հանդուրժողականության ձևավորմանը։ Նա նաև պատգամավորներին  է կոչ արել նպաստել իրավիճակի փոփոխությանը։

Թաթոյանը համաձայնել է, որ երբեմն սոցիալական ցանցերում նկատվում է նպատակաուղղված գործունեություն, բայց չի նշել, թե որտեղից են գալիս ազդակները։

Ըստ թեմայի

Ապրիլյան հանձնաժողովի հրավիրած զինվորականներին քաղաքական հարցեր չեն տա. Անդրանիկ Քոչարյան
Քննիչների մոտ հիմա հերթեր են. հայտնի է` ով է բերման ենթարկվել Հարությունյանի գործով
«Մեղավորները կպատժվեն». ՌԴ–ում Հայաստանի դեսպանատունը դիմել է Բելյանկինի հարազատներին
թեգերը:
ՀՀ ՄԻՊ, Արման Թաթոյան, Հայաստան

Գլխավոր թեմաներ