13:22 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Արթուր Վանեցյան

Հայաստանում կկառուցվի ԱԱԾ ծառայողների կրթական կենտրոն. Վանեցյանը փող ուզեց Ջանջուղազյանից

© Sputnik / Asatur Yesayants
Հայաստան
Ստանալ կարճ հղումը
678 0 0

ԱԱԾ տնօրենը հայտնեց, որ ապագա ուսումնական կենտրոնի տեղն արդեն ընտրված է, մնում է լուծել ֆինանսավորման հարցը:

ԵՐԵՎԱՆ, 5 հունիսի — Sputnik. 2020թ.-ին Հայաստանում նախատեսվում է ստեղծել ԱԱԾ ծառայողների ուսումնական կենտրոն:Այս մասին այսօր ԱԺ-ում` 2018թ-ի բյուջեի կատարողականի ներկայացման ժամանակ ասաց ՀՀ ԱԱԾ տնօրեն Արթուր Վանեցյանը:

«Եթե մենք ունենանք ժամանակակից համալսարան, ապա միայն ենթակառուցվածքների վրա պետք է ծախսվի շուրջ 2 մլրդ դրամ: Բայց եթե համեմատություն ենք անում` 240 մլն դրամ տարեկան մենք ծախսում ենք մեր աշխատակիցների` արտասահմանում ուսումնառության համար: Այս պարագայում այդ 2 մլրդ դրամը շատ մեծ գումար չէ: Բացի այդ մենք կունենանք ավելի լավ պատրաստված աշխատակիցներ, ավելի լավ պատրաստված սպաներ, զերծ կմնանք ռիսկերից, որոնք կարող են ի հայտ գալ արտասահմանում մեր աշխատակիցների ուսման ընթացքում»,- ասաց Վանեցյանը` ԱԺ-ին խնդրելով աջակցել ԱԱԾ-ին ուսումնական կենտրոն ունենալու հարցում:

«Պարոն Ջանջուղազյան, խնդրում ենք տրամադրել մեզ 2 մլրդ դրամ, որպեսզի կարողանանք մեր ուսումնական կենտրոնը կառուցել»,- ասաց Վանեցյանը` դիմելով քննարկմանը ներկա ֆինանսների նախարարին:

ԱԱԾ տնօրենը հայտնեց, որ ապագա ուսումնական կենտրոնի տեղն արդեն ընտրված է, մնում է լուծել ֆինանսավորման հարցը:

ԱԱԾ տնօրենի հրամանով ՌԴ ԴԱԾ սահմանապահ վարչության մի շարք աշխատակիցներ պարգևատրվել են

«Երբ ունենանք այդ ուսումնական կենտրոնը, այն կապահովի մեր երիտասարդների բարձրագույն կրթությունը, որն այսօր 5 տարով իրականացվում է ՌԴ-ում: Մեր հետախուզության աշխատակիցները, որոնք 2 տարով մեկնում են արտասահման սովորելու, այլևս չեն մեկնի և վերապատրաստումը կանցնեն ուսումնական կենտրոնում: Սահմանապահ զորքերի սպայական ողջ անձնակազմը, որոնք մեկնում են արտասահման վերապատրաստում անցնելու, չեն մեկնի և կանցնեն ՀՀ-ում»,- ասաց Վանեցյանը:

Նրա խոսքով` կենտրոնում լինելու է նաև հատուկջոկատայինների վերապատրաստման համար հատուկ միջոցներով ուսումնական միջավայր:

Ըստ թեմայի

ԱԱԾ–ից անհետացած փաստաթղթերի գործով ակտիվ քննություն է ընթանում. Արթուր Վանեցյան
ԱԱԾ տնօրենի հրամանով ՌԴ ԴԱԾ սահմանապահ վարչության մի շարք աշխատակիցներ պարգևատրվել են
Բաբայանի համակիրների ու «արցախցիների բանդայի» միջև ֆինանսական պարզաբանում է եղել. ԱԱԾ
թեգերը:
Ատոմ Ջանջուղազյան, Արթուր Վանեցյան, ՀՀ Ազգային Անվտանգության ծառայություն. ԱԱԾ, Հայաստան

Գլխավոր թեմաներ