01:38 18 հուլիսի 2019
Ուղիղ եթեր
  • USD476.45
  • GBP590.89
  • EUR534.43
  • RUB7.58
Արթուր Վանեցյան, Սասուն Խաչատրյան

Հայ մասնագետները նոր ծրագիր են ստեղծել. նույնիսկ ԱԱԾ-ն չի կարող գաղտնալսել

© Sputnik / Asatur Yesayants
Հայաստան
Ստանալ կարճ հղումը
42021

ԱԱԾ տնօրենը նաև հայտնեց, որ նոր ծրագրի աշխատանքային անունը ԱԱԾ է, բայց այն առաջիկայում կփոխվի:

ԵՐԵՎԱՆ, 5 հունիսի — Sputnik. Հայ մասնագետները մշակել են հեռախոսային խոսակցությունների գաղտնալսումն արգելող ծրագիր։ Այս մասին այսօր ԱԺ-ում հայտնեց ՀՀ ԱԱԾ տնօրեն Արթուր Վանեցյանը` պատասխանելով «Լուսավոր Հայաստան» խմբակցության անդամ Մենե Թանդիլյանի մտահոգությանը, թե եթե ԱԱԾ տնօրենի ու ՀՔԾ ղեկավարի հեռախոսային խոսակցությունները գաղտնալսվել էին, որքանով կարող են դրանից ապահովված լինել ՀՀ մյուս քաղաքացիներն ու պաշտոնյաները:

«Ժամանակակից աշխարհում հեռախոսային խոսակցությունների 100 տոկոսանոց ապահովում գրեթե անհնարին է»,- ասաց Վանեցյանը` հավելելով, որ մինչ հայտնի գաղտնալսումների ի հայտ գալն ԱԱԾ-ն արդեն իսկ մշակում էր հեռախոսային խոսակցությունների գաղտնիության ապահովման ծրագիրը, որն այսօր արդեն գործում է:

«Իմ հեռախոսի վրա տեղադրված է, դա դեռևս թեստային տարբերակն է: Ստուգում ենք բոլոր տեսակի խոցելիությունները: Այս պահին գաղտնիոթյունը բավականին պաշտպանված է, և շատ-շատ մասնագետներ արդեն իսկ տվել են եզրակացություն, որ այդ ծրագրի գաղտնալսումը գրեթե անհնար է»,- ասաց Վանեցյանը:

Վանեցյանի խոսքով` ծրագիրն ամբողջությամբ հայկական է, դրա սերվերը գտնվում է ԱԱԾ շենքում:

«Գաղտնագրվում է ամբողջությամբ, անգամ եթե մենք ուզենք գաղտնալսել մեզ, չենք կարող»,- ասաց Վանեցյանը:

ԱԱԾ տնօրենը նաև հայտնեց, որ նոր ծրագրի աշխատանքային անունը ԱԱԾ է, բայց այն առաջիկայում կփոխվի:

Այդուհանդերձ, Վանեցյանը նշեց, որ ռոումինգի ժամանակ անվտանգության հարցը շարունակում է բաց մնալ:

Ի դեպ, հեռախոսային կապի անվտանգությունն ապահովելու համար կառավարության անդամների աշխատասենյակներում առկա են կառավարական հեռախոսներ, որոնց սպասարկման համար ծախսվում է տարեկան ավելի քան 40 մլն դրամ:

Ըստ թեմայի

Նիկոլ Փաշինյանը խոսեց գաղտնալսման «երկրորդ սերիայի» մասին
Սկանդալային գաղտնալսման երկրորդ սերիան ցրեց Փաշինյանի միֆերը. Աշոտյան
Գաղտնալսման սկանդալից հետո Ռոբերտ Քոչարյանի փաստաբանները պատրաստվում են դիմել ՄԻԵԴ
Վանեցյանի անձնական խոսակցություններն ու գրագրությունները կցվել են գաղտնալսման քրգործին
թեգերը:
ՀՀ Ազգային Անվտանգության ծառայություն. ԱԱԾ, Մանե Թանդիլյան, ԱԺ, Արթուր Վանեցյան, Հայաստան

Գլխավոր թեմաներ