16:53 20 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Արթուր Վանեցյան

«Սևազգեստներն» իրականում սև հագուստներով չեն. Վանեցյանը` Փաշինյանի հայտարարության մասին

© Sputnik / Asatur Yesayants
Հայաստան
Ստանալ կարճ հղումը
229 0 0

ԱԱԾ պետը մեկնաբանել է Փաշինյանի` «սևազգեստ խմբերի» մասին հայտարարությունը, որը բուռն քննարկումների թեմա է դարձել։

ԵՐԵՎԱՆ, 8 հունիսի — Sputnik. ՀՀ վարչապետ Նիկոլ Փաշինյանի հիշատակած «սևազգեստ խմբերի» շրջանակը ԱԱԾ–ի համար պարզ է։ Դիլիջանում ընթացող «Մտքերի հայկական գագաթնաժողովի» ընթացքում, լրագրողների հետ զրույցում այս մասին ասաց ԱԱԾ տնօրեն Արթուր Վանեցյանը։

«Մարդիկ կան, որոնք քարոզում են ատելություն, քարոզում են ուժի կիրառում և այլն։ Եթե կլինեն հստակ դեպքեր, որոնց համար Քրեական օրենսգրքով նախատեսված կլինի պատիժ, այդ անձանց նկատմամբ կիրականացվեն օրենքով մեզ տրված բոլոր լիազորությունները, որպեսզի նման անձինք մեկուսացվեն հասարակությունից»,– ասաց ԱԱԾ տնօրենը։

Թե անձանց ինչ շրջանակի մասին է խոսքը, Վանեցյանը չցանկացավ բացահայտել` ասելով, որ այն պարզ կդառնա, երբ կլինեն կոնկրետ արարքների հետևանքով բերման ենթարկվածներ։

Իսկ մինչ այդ հայտնեց, որ այդ մարդիկ իրականում սև հագուստներով չեն, ինչպես տարածվել է հանրության շրջանում։

«Նման բան չկա։ Իրականում այն, ինչ կա, բոլորը շատ լավ հասկանում են, վարչապետը շատ հստակ իր դիրքորոշումը հայտնել է, և պետք չէ բառախաղի միջոցով ինչ–որ սենսացիաներ փնտրել»,– ասաց նա։

ԱԱԾ տնօրենը եզրափակեց` կլինեն հստակ դեպքեր, կլինեն գործողություններ իրավապահների կողմից։

Հիշեցնենք` հունիսի 6-ի կառավարության նիստում ՀՀ վարչապետ Նիկոլ Փաշինյանը հայտնեց, որ օպերատիվ տեղեկություններ ունեն, թե որոշ մարդիկ որոշել են սևազգեստ մարդկանց խմբեր ձևավորել, որոնք քաղաքում կշրջեն և որոշակի տրամադրություն կփորձեն ստեղծել, որոշակի լկտի պահվածքով աչքի ընկնել։

Վարչապետը հրահանգեց իրավապահ համակարգի ղեկավարներին ուժեղացված հսկողություն սահմանել ու թավշյա վերաբերմունքը փոխարինել ավելի կոշտ մեթոդներով։

Ըստ թեմայի

Փաշինյանն ու Պուտինը չեն քննարկել ղարաբաղյան հակամարտության կարգավորման հարցեր. Պեսկով
«Պատրաստ ենք ՀՀ-ն դարձնել տաղանդավոր մարդկանց դրախտ». Փաշինյանի ելույթի առանցքային պահերը
Փաշինյանի հանձնարարության հետքերով. ոստիկանության ուժեղացված ծառայության արդյունքները
Սարգսյանը խոսել է իր ու վարչապետ Փաշինյանի հարաբերության մասին
թեգերը:
Նիկոլ Փաշինյան, Արթուր Վանեցյան, Հայաստան

Գլխավոր թեմաներ