ԵՐԵՎԱՆ, 10 հունիսի — Sputnik. Հատուկ քննչական ծառայությունը սկզբունքորեն տեղեկություն չի տալու Մարտի 1–ի գործով հարցաքննվածների մասին։ Այսօր լրագրողների հետ զրույցում այս մասին ասաց ՀՔԾ պետ Սասուն Խաչատրյանը` պատասխանելով հարցին, թե ճի՞շտ է, որ ԲՀԿ ղեկավար Գագիկ Ծառուկյանը նույնպես հարցաքննվել է։
«Մենք չենք նշելու` ովքեր են քննվել, ինչ հարցերի շուրջ։ Դա սկզբունք է, որը չեմ դավաճանելու նաև հիմա ու չեմ ասելու` հարցաքննվե՞լ է Ծառուկյանը, թե՞ ոչ»,–ասաց Խաչատրյանը։
Նրա խոսքով` այնուամենայնիվ, բոլորն, ովքեր այս կամ այն կերպ առնչվել են Մարտի 1–ի գործին, հարցաքննվելու են։ Իսկ թե ինչ կարգավիճակով, երբ ու ինչ հարցերի շուրջ` ՀՔԾ–ն չի հայտնելու։
Տեսնելով խառնաշփոթ վիճակ` թողել–գնացել եմ. Ծառուկյանը դրվագներ հիշեց Մարտի 1–ից
Հիշեցնենք` մամուլում լուրեր էին տարածվել, որ օրերս Հատուկ քննչական ծառայությունում Մարտի 1-ի քրեական գործի շրջանակում հարցաքննվել է ԲՀԿ առաջնորդ Գագիկ Ծառուկյանը:
Ծառուկյանն իր հերթին ասել էր, որ ո՛չ հաստատում, ո՛չ էլ հերքում է այդ լուրը։
