18:29 19 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Հայկ Գրիգորյան

ԱԱԾ տնօրենի և ՀՔԾ պետի գաղտնալսումը հնարավոր է հարևան երկրներից տարածված լինի. ՔԿ նախագահ

© Photo: official site of the PM of RA
Հայաստան
Ստանալ կարճ հղումը
11701

Փորձաքննությամբ հերքվել է ԱԱԾ–ի աշխատակիցների կողմից գաղտնալսում իրականացնելու հանգամանքը։

ԵՐԵՎԱՆ, 10 հունիսի — Sputnik. Այս պահին քննությամբ կան ձեռքբերված տվյալներ, որ հնարավոր է` հարևան երկրներից մեկից այդ գաղտնալսումը արված լինի։ Այս մասին լրագրողների հետ զրույցում ասաց Քննչական կոմիտեի նախագահ Հայկ Գրիգորյանը` անդրադառնալով Ազգային անվտանգության ծառայության տնօրենի և Հատուկ քննչական ծառայության պետի հեռախոսազրույցի գաղտնալսման դեպքին։

«Այսօր հայտնի է տեխնիկապես 6 եղանակ, որը թույլ կտար գաղտնալսել ցանկացածին։ Բոլոր ուղղություններով քննություն է կատարվել, ուղարկվել են մի շարք հարցումներ, այդ թվում՝ արտասահման։ Այն, որ հնարավոր է հարևան երկրներից մեկից է տարածվել այդ զրույցը, մենք արդեն իսկ այդ ուղղությամբ ակտիվ քննություն ենք իրականացվում, նշանակվել է փորձաքննություն»,–ասաց նա։

Նրա խոսքով` փորձաքննությամբ հերքվել է ԱԱԾ–ի աշխատակիցների կողմից գաղտնալսում իրականացնելու հանգամանքը։

Հարցին, թե հնարավո՞ր է բարձրաստիճան նախկին պաշտոնյաներն են գաղտնալսումն իրականացրել` Գրիգորյանը պատասխանեց, թե նման ապացույցներ կամ ապացույցների համակցություններ այս պահին չունեն։

Հիշեցնենք, որ սեպտեմբերի 11–ին համացանցում հայտնվել էր Հայաստանի Ազգային անվտանգության ծառայության տնօրեն Արթուր Վանեցյանի և Հատուկ քննչական ծառայության պետ Սասուն Խաչատրյանի հեռախոսազրույցի ձայնագրությունը։ Վանեցյանը և Խաչատրյանը 8-րոպեանոց հեռախոսազրույցի ընթացքում քննարկում են Հայաստանի նախկին նախագահ Ռոբերտ Քոչարյանի կալանքը, ինչպես նաև ՀԱՊԿ գլխավոր քարտուղար Յուրի Խաչատուրովի և ՊՆ նախկին ղեկավար Միքայել Հարությունյանի դեմ հարուցված քրեական գործերը։

Ըստ թեմայի

«Ձայնագրությունը մոնտաժված է, դա փաստ է». Վանեցյանը մեկնաբանեց սկանդալային գաղտնալսումը
Փաշինյանի՞ն էլ են գաղտնալսում. փորձագետը` պաշտոնյաների անհոգության մասին
Ով ում է գաղտնալսում Հայաստանում. սիրուհիներին, թե՞ վարչապետին
թեգերը:
Քննություն, ՀՀ քննչական կոմիտե, Հատուկ քննչական ծառայություն (ՀՔԾ), ՀՀ Ազգային Անվտանգության ծառայություն. ԱԱԾ, Արթուր Վանեցյան, Սասուն Խաչատրյան, Հայաստան

Գլխավոր թեմաներ