21:26 26 հունիսի 2019
Ուղիղ եթեր
  • USD477.33
  • GBP605.45
  • EUR542.20
  • RUB7.56
Արամ Վարդևանյան

Դատախազին ճիշտ չեն ներկայացրել ՍԴ–ի որոշումը. Վարդևանյանի պատասխանը

© Sputnik / Asatur Yesayants
Հայաստան
Ստանալ կարճ հղումը
Ռոբերտ Քոչարյանի գործը (256)
85 0 0

Դատարանը պարտավոր է դիմել ՍԴ` սահմանադրականության վերաբերյալ հիմնավոր կասկածի դեպքում:

ԵՐԵՎԱՆ, 12 հունիսի — Sputnik. ՀՀ գլխավոր դատախազին առերևույթ ճիշտ չեն ներկայացրել Սահմանադրական դատարանի որոշումը: Այս մասին Facebook–ի իր էջում գրել է ՍԴ–ում ՀՀ երկրորդ նախագահ Ռոբերտ Քոչարյանի ներկայացուցիչ Արամ Վարդևանյանը։

Նշենք, որ ՀՀ գլխավոր դատախազ Արթուր Դավթյանը Քոչարյանի և մյուսների գործով վերաքննիչ բողոքների քննությունից հետո լրագրողների հետ զրույցում կարծիք էր հայտնել դատարանի կողմից ՍԴ դիմելու հիմնավորման վերաբերյալ։ Նա նշել էր, որ հենց ՍԴ–ն այս գործով հայտնել է, որ դատարանները կարող են մեկնաբանել սահմանադրական նորմերը։

«Եթե դատարաններն իրենց վարույթում գտնվող կոնկրետ գործով հանգում են սահմանադրականության խնդրի, այսինքն՝ այդ կապակցությամբ առաջանում են հիմնավոր կասկածներ, ապա նրանք պարտավոր են դիմել ՍԴ այդ ակտի՝ սահմանադրությանը համապատասխանությունը որոշելու հարցով։ Սա նշանակում է, որ բոլոր դատարանները, և ոչ միայն Վճռաբեկ դատարանը, պետք է ստուգեն կիրառվելիք նորմատիվ իրավական ակտի սահմանադրականությունը և պարտավոր են դիմել ՍԴ»,–գրել է Վարդևայանը։

Նրա խոսքով` գլխավոր դատախազը իրավացի է` դատարանները կարող են մեկնաբանել սահմանադրական նորմերը, բայց դրանք վերջնական և համապարտադիր չեն դատարանների, դատախազության համար:

Բացի այդ, դատարանը պարտավոր է դիմել ՍԴ սահմանադրականության վերաբերյալ հիմնավոր կասկածի դեպքում, անկախ նրանից, թե նախկինում մեկ այլ դատավոր նման խնդիր նկատե՞լ է, թե՞ ոչ: «Չէ՞ որ, եթե դատավորները կաշկանդված լինեն եռաստիճան դատական համակարգով, հենց նշվածը կիմաստազրկի եռաստիճան դատական համակարգ ունենալու նպատակը»,-գրել է Վարդևանյանը։

Հիշեցնենք, որ Արթուր Դավթյանը նշել էր, որ որևէ մեկի ցանկությունը չէ, որ ՀՀ երկրորդ նախագահ Ռոբերտ Քոչարյանը կալանքի տակ մնա, դա ինքնանպատակ խնդիր չէ:

թեմա:
Ռոբերտ Քոչարյանի գործը (256)

Ըստ թեմայի

«Մուտիլովկաներ մի արեք». Ծառուկյանն այն մասին, թե ինչու ԲՀԿ–ում չեն խոսում Քոչարյանի մասին
Դատարանն արձանագրեց Ռոբերտ Քոչարյանի իրավունքների խախտումը
Քոչարյանի և մյուսների գործով դիմումի նախնական ուսումնասիրման ժամկետը ՍԴ-ն երկարաձգել է
թեգերը:
Սահմանադրական դատարան, Ռոբերտ Քոչարյան, Հայաստան

Գլխավոր թեմաներ