18:41 24 հունիսի 2019
Ուղիղ եթեր
  • USD477.81
  • GBP609.64
  • EUR544.32
  • RUB7.60
Руководитель фракции Процветающая Армения Гагик Царукян на пленарном заседании Парламента Армении (5 марта 2019). Еревaн

Ծառուկյանը պատռել է ծանուցումն ու չի ներկայացել հարցաքննության

© Sputnik / Asatur Yesayants
Հայաստան
Ստանալ կարճ հղումը
15510

Ծառուկյանը ոստիկանի կողմից հարցաքննվելու ծանուցումն առձեռն է ստացել։

ԵՐԵՎԱՆ, 13 հունիսի — Sputnik. ԲՀԿ առաջնորդ Գագիկ Ծառուկյանը երեկ 18։30-ին չի ներկայացել Քննչական կոմիտե հարցաքննության։ Այս մասին Sputnik Արմենիային հայտնեց Քննչական կոմիտեի տեղեկատվության և հասարակայնության հետ կապերի դեպարտամենտի ղեկավար Նաիրա Հարությունյանը։

«Գագիկ Ծառուկյանը նախաքննական մարմնին հարցաքննության չներկայանալու պատճառների մասին չի հայտնել։ Ծառուկյանը ոստիկանի կողմից ծանուցումն առձեռն ստանալուց հետո պատռել է այն»,–ասաց նա։

Հիշեցնենք, որ Գագիկ Ծառուկյանը Քննչական կոմիտե հարցաքննության է հրավիրվել Աբովյան քաղաքում «Քաղաքացիական պայմանագիր» կուսակցության թեկնածուի ենթաշտաբներից մեկի պետի մեքենան հրկիզելու փաստի առթիվ հարուցված քրեական գործի նախաքննության շրջանակներում

Նշենք, որ Քննչական կոմիտեի Կոտայքի մարզային քննչական վարչության Աբովյանի քննչական բաժնում քննություն է տարվում պարզելու ուրիշի գույքը դիտավորյալ ոչնչացնելու կամ վնասելու դեպքի հանգամանքները:

2019 թվականի հունիսի 8-ին, ժամը 04-ի սահմաններում, անհայտ անձը ուրիշի գույքը գաղտնի ոչնչացնելու նպատակով հրկիզել է Աբովյան քաղաքի 46 -ամյա բնակչին պատկանող բնակարանի դուռն ու «Նիսան Տիդա» մակնիշի ավտոմեքենան: Դեպքի առթիվ հարուցվել է քրեական գործ՝ քրեական օրենսգրքի 185-րդ հոդվածի 2-րդ մասի 1-ին կետով (Գույքը դիտավորությամբ ոչնչացնելը կամ վնասելը): 46- ամյա բնակիչը ճանաչվել է տուժող: Կատարվել է դեպքի վայրի զննություն: Կազմվել է քննչական խումբ:

Աղքատներն էլ են ապրել ուզում. Աբովյանի ընտրությունները մեսիջ էին Փաշինյանին և Ծառուկյանին

Մշակվել է քննչական պլան, և ձեռնարկվում են անհետաձգելի քննչական և օպերատիվ-որոնողական միջոցառումներ` դեպքի բոլոր հանգամանքները, առերևույթ հանցագործություն կատարած անձի ինքնությունը պարզելու ուղղությամբ։

Նախաքննությունը շարունակվում է:

Ըստ թեմայի

Տուգանված գազալցակայանների մի մասը պատկանում է Ծառուկյանին
Երբ գալիս եմ, 5 հարց եք տալիս. Գագիկ Ծառուկյանին զարմացնում է սեփական կոռեկտությունը
Գագիկ Ծառուկյանին մի քանի ժամ հարցաքննել են. «Ժամանակ»
թեգերը:
Գագիկ Ծառուկյան, ՀՀ քննչական կոմիտե, Քննություն, Հայաստան

Գլխավոր թեմաներ