04:51 25 հունիսի 2019
Ուղիղ եթեր
  • USD477.81
  • GBP609.64
  • EUR544.32
  • RUB7.60
Խոզ

Հայաստանում աֆրիկյան ժանտախտ չկա. ինչո՞ւ են խոզերը սատկել Սյունիքում

© Sputnik / Александр Кондратюк
Հայաստան
Ստանալ կարճ հղումը
109 0 0

ՍԱՊԾ–ն անասնաբուծական տնտեսություններին խորհուրդ է տալիս միայն որակյալ կեր տալ կենդանիներին։ Ծառայության մամուլի քարտուղարը վստահեցնում է, որ վաճառակետերում աֆրիկյան ժանտախտով վարակված միս չկա։

ԵՐԵՎԱՆ, 13 հունիսի — Sputnik. Սյունիքի մարզում խոզերի անկման պատճառը եղել է ոչ թե աֆրիկյան ժանտախտը, այլ, ամենայն հավանականությամբ, վարակված կերը։ Sputnik Արմենիայի թղթակցի հետ զրույցում այս մասին ասաց Հայաստանի Սննդամթերքի անվտանգության պետական ծառայության մամուլի քարտուղար Անուշ Հարությունյանը։

Հիշեցնենք` Սյունիքի մարզպետարանի գյուղատնտեսության և բնապահպանության վարչության պետ Գագիկ Խաչատրյանը Sputnik Արմենիայի թղթակցի հետ զրույցում ասել էր, որ Սյունիքի մարզի Կոռնիձոր համայնքում ավելի քան 200 խոզ է սատկել, որոնց մոտ աֆրիկյան ժանտախտի ախտանշաններ են նկատվել։

«Փորձաքննությունը չի հաստատել անկած կենդանիների մոտ աֆրիկյան ժանտախտի վիրուսի առկայությունը։ Դրանք անաէրոբ վարակներ էին, ինչպես նաև սալմոնելոզ։ Ամենայն հավանականությամբ, վարակումը տեղի է ունեցել կերի միջոցով», – ասաց նա։

Հարությունյանը անասնաբուծական տնտեսություններին խորհուրդ տվեց միայն որակյալ կեր տալ կենդանիներին, ինչպես նաև ցրեց խանութներում վարակված միս հայտնվելու մտավախությունները. նրա խոսքով` հիվանդ կենդանիները սատկել են մինչև մորթը, այնպես որ միսը հաստատ չի հասել խանութներ ու վաճառակետեր։

Հայաստանում աֆրիկյան ժանտախտի վերջին դեպքը պաշտոնապես գրանցվել է 2011թ–ին։ Դրանից հետո որևէ դեպք պաշտոնապես չի հաստատվել, թեև խոզերի անկման դեպքեր` այլ վարակիչ հիվանդություններից, գրանցվել են. անցյալ տարի` Տավուշի մարզում, այս տարի` Սյունիքում։

Ըստ թեմայի

Գոնե Երևանի աղբը այստեղ չհասներ. աղբավայրի պատճառով Մասիսում սովորում են չշնչել
Առյուծն էլ իրավունք ունի. Փաշինյանը հիշեց կենդանիների նկատմամբ դաժան դեպքերը, հետո կատակեց
«Չաղբահանության» վտանգները. աղբի մնացորդով սնվող կենդանիները հիվանդություններ փոխանցող են

Գլխավոր թեմաներ