16:20 23 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Միհրան Պողոսյան

Ասեկոսեներ են. գլխավոր դատախազը` Միհրան Պողոսյանին կացարան տրամադրելու մասին

© Sputnik / Aram Nersesyan
Հայաստան
Ստանալ կարճ հղումը
212 0 0

Հայկական կողմը Միհրան Պողոսյանի արտահանձնման հարցի հետ կապված սպասում է Ռուսաստանի պատասխանին։

ԵՐԵՎԱՆ, 19 հունիսի — Sputnik. Ազգային ժողովի նախկին պատգամավոր, ԴԱՀԿ նախկին ղեկավար Միհրան Պողոսյանի արտահանձման վերաբերյալ Ռուսաստանը դեռ պաշտոնապես որոշում չի կայացրել։ Այսօր լրագրողների հետ ճեպազրույցում այս մասին ասաց ՀՀ գլխավոր դատախազ Արթուր Դավթյանը։

«Մեր գործընկերների կողմից պաշտոնապես որևէ որոշում դեռ չկա` Պողոսյանին արտահանձնելու մեր պահանջը բավարարելու կամ մերժելու համար»,– ասաց Դավթյանը։

Դիտարկմանը, թե լուրեր են շրջանառվում, որ Պողոսյանին արդեն կացարան են տրամադրել` դատախազն արձագանքեց, որ դրանք բոլորն ասեկոսեներ են։

«Պողոսյանի արտահանձման–չարտահանձման, ինչպես նաև նրա հետ կապված կացարան տրամադրելու լուրերն ասեկոսեներ են, քանի որ մենք դեռ պաշտոնական պատասխան չենք ստացել։ Նրա արտահանձման գործընթացում որ պահին հստակ ու պաշտոնական տեղեկատվություն ունենանք, կհրապարակենք»,–ասաց նա։

ՀՀ հատուկ քննչական ծառայությունում քննվող քրեական գործով Միհրան Պողոսյանը ներգրավվել է որպես մեղադրյալ հանրորեն վտանգավոր արարքների կատարման համար: Գործը հարուցվել է ՀՀ քրեական օրենսգրքի 179-րդ հոդվածի 3-րդ մասի 1-ին կետի և 308-րդ հոդվածի 2-րդ մասի հատկանիշներով. ըստ այդմ՝ Միհրան Պողոսյանը, օգտագործելով պաշտոնեական դիրքը, վատնման եղանակով առանձնապես խոշոր չափերով գույք է հափշտակել և չարաշահել իր պաշտոնեական լիազորությունները: Միհրան Պողոսյանի նկատմամբ հայտարարվել էր հետախուզում։

Միհրան Պողոսյանի ոտքին օղակ են անցկացրել. որտե՞ղ է հետախուզման մեջ գտնվող նախկին պաշտոնյան

Ապրիլի 19-ին Միհրան Պողոսյանը հայտնաբերվել էր Կարելիայի Հանրապետության Պետրոզավոդսկ քաղաքում և ձերբակալվել: Ապրիլի 23-ին ՌԴ դատարանը բավարարել էր 40 օրով Միհրան Պողոսյանին կալանավորելու ՌԴ դատախազության միջնորդությունը՝ նրան Հայաստան արտահանձնելու հարցը քննարկելու նպատակով:

Մինչ այդ, սակայն, հայտնի դարձավ, որ Պողոսյանը դիմել է ՌԴ իշխանություններին` իրեն այդ երկրում քաղաքական ապաստան տրամադրելու համար։

Մայիսի 29–ին Sputnik Արմենիան հայտնել էր, որ Պողոսյանի խափանման միջոցը փոխարինվել էր տնային կալանքով։

Ըստ թեմայի

Միհրան Պողոսյանի գրասենյակը հրապարակել է նրա գտնվելու վայրն ու հասցեն
Ռուսաստանը պարտավոր է լռություն պահպանել Միհրան Պողոսյանի հարցով
թեգերը:
Ռուսաստան, Միհրան Պողոսյան, Արթուր Դավթյան, Հայաստան

Գլխավոր թեմաներ