13:46 10 հուլիսի 2020
Ուղիղ եթեր
  • USD486.60
  • GBP615.69
  • EUR551.22
  • RUB6.87
Հայաստան
Ստանալ կարճ հղումը
377 0 0

Մետաղական թափոնների արտահանմամբ զբաղվող ընկերությունները կարծում են, որ եթե պետտուրք սահմանվի մետաղական թափոնների արտահանման համար, իրենց «նվեր» կմնա հավաքած երկաթն ու մեծ վարկերը։

ԵՐԵՎԱՆ, 20 հունիսի — Sputnik. Մետաղական թափոնների արտահանմամբ զբաղվող մի շարք ընկերության ներկայացուցիչներ մետաղյա ջարդոններով բեռնված բեռնատարներով այսօր կառավարության մոտ բողոքի ակցիա էին անում։ Նրանք բողոքում էին պետտուրքի մասին օրենքում փոփոխությունների նախագծից, որով մետաղական ջարդոնի արտահանման համար պետտուրք է սահմանվում։

«Աղբի վրա, որը տարիներ շարունակ թափված է եղել փողոցներում, ու հիմա մարդիկ սկսել են հավաքել, վերամշակել ու արտահանել, հանկարծ որոշել են պետտուրք նշանակել։ Հիմա ուզում են 1 տոննայի արտահանվող մետաղի համար 80 000 դրամ պետտուրք սահմանել` այն դեպքում, երբ շուկայում 1 տոննա մետաղական ջարդոնը 100-110 000 դրամով հազիվ է վաճառվում»,– Sputnik Արմենիայի հետ զրույցում այս մասին ասաց մետաղական թափոնների վերամշակման բիզնեսի իրավախորհրդատու Արթուր Այվազյանը, որը նույնպես մասնակցում էր բողոքի ցույցին։

Նրա խոսքով` այս ամենն արվում է ինչ–որ մեկի համար. Այվազյանը վստահ է` շուկայում մենաշնորհ կլինի, եթե պետտուրք սահմանվի, քանի որ մանր ընկերությունները կլուծարվեն ու կմնա մեկ ընկերություն, որի համար էլ օրենքի նախագիծը կյանքի է կոչվել։ Իսկ թե որ ընկերության մասին է խոսքը, նա փակագծերը չբացեց։

Адвокат Артур Айвазян на акции протеста сотрудников компаний по экспорту металлолома перед Домом правительства (20 июня 2019). Еревaн
© Sputnik / Asatur Yesayants
Արթուր Այվազյան

«Այս ամենի մեջ ուշագրավն այն է, որ չնայած օրենքի նախագիծը դեռ Ազգային ժողովը չի հաստատել, սակայն ՊԵԿ–ն արդեն մեզ թույլ չի տալիս արտահանմամբ զբաղվել` արհեստականորեն անընդհատ ձգձգելով բեռների բացթողումը։ Պետտուրքի ու ՊԵԿ–ի հետ կապված մենք արդեն իսկ տեղեկացրինք վարչապետի օգնական Մհեր Սահակյանին, և նա խոստացավ, որ կփորձի պարզել` ինչ է կատարվում»,–ասաց Այվազյանը։

Акция протеста сотрудников компаний по экспорту металлолома перед Домом правительства (20 июня 2019). Еревaн
© Sputnik / Asatur Yesayants
Բողոքի ակցիա Երևանում

Մետաղական թափոնների վերամշակմամբ ու արտահանմամբ զբաղվող ընկերություններից մեկի տնօրեն Արմեն Մարտիրոսյանն էլ նշեց, որ 1 տարի առաջ` հեղափոխությունից հետո, ընկերներով հավաքվել ու ընկերություն են բացել։ Նրա խոսքով` երբ վարչապետ Նիկոլ Փաշինյանը հայտարարել է, որ տնտեսական հեղափոխությունը կյանքի կկոչվի, երբ մարդիկ աղբն ու մետաղի թափոնները կվերամշակեն ու կվաճառեն, այդ ժամանակ էլ որոշել են մետաղի թափոնների վերամշակմամբ զբաղվել։

«Մեկ տարի առաջ ոգևորված տարածքներ վարձակալեցինք, աշխատողներ ընդունեցինք, վարկով տեխնիկա գնեցինք ու այսօր

կանգնել ենք փաստի առաջ։ Մեր ընկերությունում 30 աշխատող կա, սակայն պայմանագրային հիմունքներով ավելի քան 3000 մարդ է մեզ հետ համագործակցում։ Այսինքն` նրանք դաշտերից հավաքում–բերում են մետաղի թափոններն ու վճարվում դրա համար»,–ասաց նա։

Директор одной из компаний по экспорту металлолома Армен Мартиросян на акции протеста перед Домом правительства (20 июня 2019). Еревaн
© Sputnik / Asatur Yesayants
Արմեն Մարտիրոսյան

Ընկերության տնօրենի խոսքով` պետտուրքի մասին օրենքը եթե ընդունվի, իրենց ընկերությունը ոչ միայն կլուծարվի, այլ նաև կսնանկանա։ Ըստ նրա` ամենավատն այն է, որ ՊԵԿ–ն արդեն «գործի է անցել» ու խոչընդոտում է արտահանումը, չնայած օրենքը դեռ չի ընդունվել։

Մարտիրոսյանը նշեց, որ այժմ իրենք երկու պահանջ ունեն` վերանայել պետտուրքի մասին օրենքի փոփոխությունն ու տնտեսվարողների հետ քննարկումներ կազմակերպել, լսել իրենց կարծիքը և վերանայել ՊԵԿ–ի գործելաոճը։

Բողոքի ակցիա անողները բեռնատարներով շարժվեցին ՊԵԿ–ի մոտ` իրենց ակցիան այնտեղ շարունակելու։

Акция протеста сотрудников компаний по экспорту металлолома перед Домом правительства (20 июня 2019). Еревaн
© Sputnik / Asatur Yesayants
Բողոքի ակցիա Երևանում

Sputnik Արմենիան պարզաբանման համար դիմել է ՊԵԿ լրատվական ծառայությանը, գրավոր հարցման պատասխանը ստանալուն պես կներկայացնենք նաև նրանց տեսակետը։

Акция протеста сотрудников компаний по экспорту металлолома перед Домом правительства (20 июня 2019). Еревaн
© Sputnik / Asatur Yesayants
Բողոքի ակցիա Երևանում

Նշենք, որ «Հարկային օրենսգրքի» փոփոխությունների փաթեթում ներառված «Պետտուրքի մասին փոփոխություններ և լրացումներ կատարելու մասին օրենքի» նախագծով մետաղի թափոնների արտահանման համար պետտուրք սահմանելու օրենքի նախագիծը դեռ Ազգային ժողովում է, և այն չի հաստատվել։

Ըստ թեմայի

Բողոքի ակցիա Երևանում. մարդիկ փակել են Բաղրամյան պողոտան. տեսանյութ
ԱԺ–ն զիջումների է գնացել. բուքմեյքերները դադարեցրել են բողոքի ցույցը
Ցեմենտ բեռնած բեռնատարը` ԱԺ–ի դիմաց. ցեմենտ ներկրողները բողոքի ակցիա են անում
թեգերը:
Լուսանկար, Բողոքի ակցիա, Հայաստան

Գլխավոր թեմաներ