06:40 20 սեպտեմբերի 2019
Ուղիղ եթեր
  • USD476.26
  • GBP593.94
  • EUR526.74
  • RUB7.42
Ձեռնաշղթա

Երևանում լրագրող է ձերբակալվել. տեսանյութ

© Photo: GP
Հայաստան
Ստանալ կարճ հղումը
328 0 0

Կինը հայտնել է, որ ինքը լրագրող է և վարկաբեկիչ տեղեկություններ ունի սպայական գումարտակի հրամանատարի տեղակալի մասին, ինչը չհրապարակելու համար գումար է ուզել պաշտոնյայից։

ԵՐԵՎԱՆ, 20 հունիսի – Sputnik. «Հայկական ժամ» խմբագրության լրագրողը ձերբակալվել է սպայական գումարտակի հրամանատարի տեղակալից խոշոր չափերի շորթում կատարելու կասկածանքով։ Այս մասին հայտնում է ՀՀ քննչական կոմիտեի մամուլի ծառայությունը։

Նախնական տվյալներով՝ 2019թ. հունիսի 18-ին «Հայկական ժամ» խմբագրության լրագրողը այցելել է «Ճանապարհային ոստիկանություն» ծառայության ՃՊԾ 1-ին սպայական գումարտակի հրամանատարի տեղակալի աշխատասենյակ և ներկայանալով որպես լրագրող՝ հայտնել է, որ տեղեկություններ ունի՝ իբրև վերջինիս կողմից ձեռնարկատիրական գործունեությամբ զբաղվելու և այդ առնչությամբ շուրջ 41.000.000 ՀՀ դրամի չափով չվճարված հարկային պարտավորություններ ունենալու վերաբերյալ:

Լրագրողը գումարտակի հրամանատարի տեղակալին հայտնել է նաև, որ պատրաստվում է այդ վարկաբեկիչ տեղեկությունը հրապարակել չորս լրատվամիջոցներով, և այն չհրապարակելու համար վերջինից պահանջել է խոշոր չափերի՝ 800.000 ՀՀ դրամ գումար՝ ակնարկելով, որ պահանջված գումարի չափը հնարավոր է նվազեցնել:

2019թ. հունիսի 19-ին՝ ժամը 16:30-ի սահմաններում, «Հայկական ժամ» խմբագրության լրագրողը, այցելելով գումարտակի հրամանատարի տեղակալի աշխատասենյակ, նախկինում ներկայացրած սպառնալիքով պահանջել և շորթմամբ ստացել է 400.000 ՀՀ դրամ գումար, որից անմիջապես հետո ՀՀ ոստիկանության ՀՀ ոստիկանության Կազմակերպված հանցավորության դեմ պայքարի գլխավոր վարչության (ԿՀԴՊ ԳՎ) ծառայողների կողմից ձեռնարկված միջոցառումների արդյունքում նույն աշխատասենյակում բռնվել է:

Դեպքի վայրի զննությամբ լրագրողի պայուսակում հայտնաբերվել է գումարտակի հրամանատարի տեղակալից ստացած 400.000 ՀՀ դրամ գումարը:

Դեպքի առթիվ 2019թ. հունիսի 19-ին հարուցվել է քրեական գործ։

ՀՀ ոստիկանությունն էլ հրապարակել է մի տեսանյութ, որում երևում է, թե ինչպես են ոստիկանները հայտնաբերում ու առգրավում շորթմամբ հափշտակված 400․000 դրամը։

Ըստ թեմայի

Խոշոր շորթում Հայաստանում. «դերերում» նախարարության ու ոստիկանության աշխատակիցներն են
Նոր մեղադրանք Սերժ Սարգսյանի թիկնապահի դեմ. հաշվապահը պնդում է, որ իրենից 40 մլն են շորթել
Զինծառայողը վնասվածք է ստացել աչքի շրջանում. ձերբակալվել է ծառայակիցը. նոր մանրամասներ
Հարբած ոստիկանների կողմից Խաժակյանի ազգականին ծեծելու գործով 2 անձ է ձերբակալվել
թեգերը:
Լրագրող, ՀՀ Ոստիկանություն, Ձերբակալում, Հայաստան

Գլխավոր թեմաներ