21:43 20 հունվարի 2020
Ուղիղ եթեր
  • USD479.34
  • GBP622.23
  • EUR531.59
  • RUB7.78
Հայաստան
Ստանալ կարճ հղումը
86 0 0

Սահմանադրական դատարանը ներկայացրել է աշխատակարգային նիստում կայացված որոշումները և հայտնել, թե երբ կքննի Ռոբերտ Քոչարյանի պաշտպանների ներկայացրած դիմումները։

ԵՐԵՎԱՆ, 21 հունիսի — Sputnik. Սահմանադրական դատարանն այսօր ՀՀ երկրորդ նախագահ Ռոբերտ Քոչարյանի պաշտպանների ուղարկած դիմումների հետ կապված աշխատակարգային որոշումներ է կայացրել։ Այս մասին հայտնում են ՍԴ–ից։

Երկու դիմումի հետ կապված ՍԴ–ն որոշել է դատաքննություն ներկայացնել, իսկ մեկ դիմումի քննությունը` մերժել։

Այսպիսով, ՍԴ–ն որոշել է Քոչարյանի դիմումի հիման վրա՝ ՀՀ քրեական դատավարության օրենսգրքի 135-րդ հոդվածի 2-րդ մասի և 35-րդ հոդվածի՝ Սահմանադրությանը համապատասխանության հարցը որոշելու վերաբերյալ գործը վարույթ ընդունել և գործի դատաքննությունը նշանակել 2019թ. օգոստոսի 29-ին, ժամը 10.00-ին:

Նշենք, որ 135–րդ հոդվածի 2–րդ մասը սահմանում է խափանման միջոցը կիրառելու հիմքերը` նշելով, որ դրա հիմքերից մեկն էլ` խոչընդոտելն է մինչդատական վարույթում կամ դատարանում գործի քննությանը` քրեական դատավարությանը մասնակցող անձանց վրա անօրինական ազդեցություն գործադրելու, գործի համար նշանակություն ունեցող նյութերը թաքցնելու կամ կեղծելու, քրեական վարույթն իրականացնող մարմնի կանչով առանց հարգելի պատճառների չներկայանալու կամ այլ ճանապարհով։

Իսկ 35–րդ հոդվածը սահմանում է քրեական գործի վարույթը կամ քրեական հետապնդումը բացառող հանգամանքները։

Բացի այդ, ՍԴ–ն որոշել է Քոչարյանի դիմումների հիման վրա՝ ՀՀ քրեական օրենսգրքի 300.1-րդ հոդվածի՝ Սահմանադրությանը համապատասխանության հարցը որոշելու վերաբերյալ գործերն ընդունել քննության, միավորել և միավորված գործի դատաքննությունը նշանակել 2019թ. օգոստոսի 29-ին, ժամը 10.00-ին:

ՔՕ 300.1 հոդվածն էլ Սահմանադրական կարգը տապալելու մասին է սահմանում։

ՍԴ–ն, սակայն, մերժել է Քոչարյանի դիմումի հիման վրա՝ ՀՀ քրեական օրենսգրքի 300-րդ հոդվածի (նախկին խմբագրությամբ)՝ Սահմանադրությանը համապատասխանության հարցը որոշելու վերաբերյալ գործի քննությունը։ ՀՀ ՔՕ 300–րդ հոդվածն իշխանությունը յուրացնելու դեպքն է սահմանում։

ՍԴ–ն Յուրի Խաչատուրովի պաշտպանի դիմումը` ՀՀ քրեական օրենսգրքի 300.1-րդ հոդվածի և 300-րդ հոդվածի (նախկին խմբագրությամբ)՝ Սահմանադրությանը համապատասխանության հարցը որոշելու վերաբերյալ գործի քննությունը մերժել է։

Հիշեցնենք, որ մայիսի 20–ին ՀՀ երկրորդ նախագահ Ռոբերտ Քոչարյանի, ՀՀ նախկին փոխվարչապետ Արմեն Գևորգյանի, պաշտպանության նախկին նախարար Սեյրան Օհանյանի և ՀԱՊԿ նախկին գլխավոր քարտուղար Յուրի Խաչատուրովի վերաբերյալ գործի վարույթը դատարանի որոշմամբ կասեցվել էր և ուղարկվել ՍԴ:

Երևանի ընդհանուր իրավասությունների Ավան և Նոր Նորք վարչական շրջանների դատարանը՝ դատավոր Դավիթ Գրիգորյանի նախագահությամբ, մարտի 18-ին որոշել էր Քոչարյանին անձնական երաշխավորությամբ ազատ արձակել։

Ըստ թեմայի

Քոչարյանի պաշտպանը Ջհանգիրյանի ասածների առնչությամբ հաղորդում է ներկայացրել դատախազություն
«Այո, ամեն մարդ իր արածի համար պատասխան է տալու». Դավթյանը մեկնաբանեց Քոչարյանի ասածը
Ռոբերտ Քոչարյանին վստահություն չեն ներշնչում դատավորի վերջին գործողությունները. պաշտպան
Ինչ ազդեցություն կարող է ունենալ Վահե Գրիգորյանի ընտրվելը Քոչարյանի` ՍԴ ուղարկած գործի վրա
թեգերը:
Դատարան, Ռոբերտ Քոչարյան, Հայաստան

Գլխավոր թեմաներ