ԵՐԵՎԱՆ, 22 հունիսի – Sputnik. Երևանի բարձրահարկերին սպառնում է տեխնոգեն աղետ, որը պայմանավորված է մետրոպոլիտենի շահագործմամբ կամ ավելի կոնկրետ՝ մետրոյի տարիներ շարունակ չնորոգված ռելսերով։ Այս մասին գրում է «Ժամանակ» օրաթերթը։
Արդեն հստակ է` երբ կսկսվեն Երևանի մետրոյի նոր կայարանի կառուցման աշխատանքները
«2013-ին, երբ բացվեց «Ռոսիա մոլը», և Սերժ Սարգսյանը պետք է մետրոյով ժամաներ բացմանը, նրա անվտանգությունից ելնելով մետրոպոլիտենը վերանորոգեց կենտրոնի կայարանների ռելսերը: Բայց օրեցօր բնակիչներն ավելի ու ավելի են զգում մետրոյի գնացքների դղրդոցը, եթե այդ ուղղությամբ են անցնում: «Ռոսիա մոլի» բացման արարողությունից առ այսօր չի իրականացվել գեթ մեկ մետրի ընթացիկ նորոգում։ Ըստ մասնագիտական գնահատականների՝ յուրաքանչյուր պահի մետրոյի գնացքը կարող է դուրս գալ քաղաքի որևէ հատվածի ասֆալտի միջից»,– նշում է պարբերականը։
Sputnik Արմենիան կապ հաստատեց Երևանի մետրոպոլիտենի տնօրենի պարտականությունները ստանձնած Գևորգ Ավետիսյանի հետ։
«Անհեթեթություն է, լուրը չի համապատասխանում իրականությանը»,– ասաց նա։
Ավետիսյանի խոսքով` մետրոն օրական 50-60 հազար ուղևոր է տեղափոխում, և անվտանգությունն առաջնահերթ է իրենց համար։
Նա վստահեցրեց, որ նման հարցերին մատների արանքով չեն նայում, իսկ վերանորոգման աշխատանքներն իրականացվում են պարբերաբար։
Նիկոլ Փաշինյանը դուստրերի հետ այցելել է հին բակ, ապա շրջել մետրոյով