04:48 16 հոկտեմբերի 2019
Ուղիղ եթեր
  • USD476.57
  • GBP602.53
  • EUR524.89
  • RUB7.40
Վիգեն Քոչարյան

Վիգեն Քոչարյանը երդմամբ ստանձնեց ԲԴԽ անդամի պաշտոնը

© Facebook/Հայ Իրավաբաններ
Հայաստան
Ստանալ կարճ հղումը
7–րդ գումարման Ազգային ժողով (79)
66 0 0

Նոր անդամը կփոխարինի ԲԴԽ–ից հեռացած 5 անդամներից մեկին։ Դատական համակարգի փոփոխություններն ընթացքի մեջ են։

ԵՐԵՎԱՆ, 24 հունիսի — Sputnik. ՀՀ ԱԺ–ը 114 կողմ, 4 դեմ ձայնով Բարձրագույն դատական խորհրդի անդամ է ընտրել Վիգեն Վլադիմիրի Քոչարյանին։ Նա այսօր երդմամբ ստանձնեց ԲԴԽ անդամի պաշտոնը։

Այս մասին այսօր ԱԺ նիստում հայտարարեց խորհրդարանի փոխնախագահ Ալեն Սիմոնյանը` ամփոփելով նախօրեին կայացած քվեարկության արդյունքները։

2014թ.–ին Քոչարյանը նշանակվել էր ՀՀ իրավաբանների միության փոխնախագահ, 2015 թ. ապրիլի 8-ին` ՀՀ վարչապետի որոշմամբ նշանակվել է արդարադատության նախարարի տեղակալ։

Հիշեցնենք` Բարձրագույն դատական խորհրդի 5 անդամներ հրաժարական են ներկայացրել դատական համակարգում վիրահատական միջամտության անհրաժեշտության մասին ՀՀ վարչապետ Նիկոլ Փաշինյանի ելույթից հետո։

Խորհրդում հրաժարականները մեկնարկեցին ԲԴԽ արդեն նախկին նախագահ Գագիկ Հարությունյանի հրաժարականով, նրան հետևեց նախագահի պաշտոնը ժամանակավորապես զբաղեցրած Գևորգ Դանիելյանը: Ավելի ուշ հրաժարական ներկայացրեցին ԲԴԽ անդամներ Արմեն Խաչատրյանը, Սերգեյ Մեղրյանն ու Արմեն Բեկթաշյանը։

Երկու հրաժարական` մեկ օրում. ի՞նչ են հուշում արդարադատության ոլորտի իրադարձությունները

ՀՀ գործող Սահմանադրության համաձայն` Բարձրագույն դատական խորհուրդը պետք է ունենա 10 անդամ։ Նրանցից հինգին ընտրում է դատավորների ընդհանուր ժողովը, մյուս 5-ին` խորհրդարանը՝ 5 տարի ժամկետով:

թեմա:
7–րդ գումարման Ազգային ժողով (79)

Ըստ թեմայի

Դատավորները ծրագրում են ժողով հրավիրել ու անվստահություն հայտնել ԲԴԽ–ին. «Ժողովուրդ»
Դատական բարեփոխումների անցնցում զարգացումներն են միայն գրանցում հաջողություն. ԲԴԽ–ի կոչը

Գլխավոր թեմաներ