13:23 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Բենզակայան

Որքան կավելանա բենզինի, դիզվառելիքի և սեղմված գազի գինը նոր փաթեթի ընդունումից հետո

© Sputnik / Aram Nersesyan
Հայաստան
Ստանալ կարճ հղումը
120 0 0

Խորհրդարանական ընդդիմությունը դեմ է թանկացմանը և խոստանում է դեմ քվեարկել կառավարության առաջարկին: Կառավարությունը պնդում է`թանկացումը չնչին է:

ԵՐԵՎԱՆ, 25 հունիսի – Sputnik. Առաջիկա 3 տարիներին Հայաստանում տարեկան 3 տոկոսով ավելանալու է բենզինի, դիզվառելիքի և սեղմված բնական գազի ակցիզային հարկը: Այսօր ԱԺ ամբիոնից այս մասին հայտարարեց «Լուսավոր Հայաստան» խմբակցության պատգամավոր, Տնտեսական հարցերի մշտական հանձնաժողովի անդամ Արկադի Խաչատրյանը` հավելելով, որ Հարկային օրենսդրական փաթեթի քննարկման ժամանակ իշխող քաղաքական ուժի ներկայացուցիչները չընդունեցին ակցիզային հարկի վերաբերյալ ընդդիմության ներկայացրած առաջարկները, մինչդեռ, իրենց համոզմամբ, ակցիզային հարկի այս բարձրացումը հղի է սոցիալական ու տնտեսական բացասական հետևանքներով:

ԱԺ «Իմ քայլը» խմբակցության պատգամավոր, տնտեսական հարցերի մշտական հանձնաժողովի նախագահ Բաբկեն Թունյանը, սակայն, չհամաձայնեց ընդդիմության տեսակետին` շեշտելով, որ առաջարկվող օրենսդրությունը մի քանի քայլ առաջ է գործողից:

«Եթե վատն է, ինչու են գործարարներն անհամբեր սպասում դրա ընդունմանը: Մենք ասում ենք` եկեք մի քայլ առաջ անենք, հետո ավելի գլոբալ փոփոխությունների կգնանք: Դուք ասում եք` չէ, քանի որ սա թռիչքային աճ չի ապահովում, մենք դեմ ենք»,- ասաց Թունյանը:

Ֆինանսների փոխնախարար Արման Պողոսյանը ևս արձագանքեց վառելիքի ակցիզային հարկի ավելացման վերաբերյալ ընդդիմության մտահոգությանը:

«Դիզելային վառելիքի ակցիզային հարկը 1 տոննայի հաշվով 13 00 դրամ է, լիտրի հաշվով` 13 դրամ: 3 տոկոս բարձրացումը 39 լումա է: Հիմա սա մենք ներկայացնում ենք որպես գնաճային սարսափելի մի ճնշում: Նույնը սեղմված գազի պարագայում` 34 000` 1 տոննայի հաշվով, կիլոգրամի համար 34 դրամ, աճը` 1 դրամ 2 լումա»,- ասաց Պողոսյանը:

Հիշեցնենք` Ազգային ժողովն անցած շաբաթ առաջին ընթերցմամբ ընդունեց և երեկ շարունակեց քննարկել Հարկային օրենսգրքի ու մի շարք հարակից օրենքներում փոփոխությունների կառավարության հեղինակած նախագիծը։ Փաթեթի երկրորդ ընթերցմամբ քվեարկությունը նախատեսված է ԱԺ այսօրվա նիստում:

Կառավարության առաջարկած օրինագծով առաջարկվում է 2020թ-ի հունվարի 1-ից սկսած ակցիզային հարկի դրույքաչափը բարձրացնել տարեկան 4 տոկոսով: ԱԺ տնտեսական հանձնաժողովում քննարկումներից ու առաջարկներից հետո, սակայն, բարձրացման չափը փոխարինվեց 3 տոկոսով:

Ըստ թեմայի

Բենզինը թանկացել է. մրցակցային մարմինը հակամրցակցային չարաշահումների հետքեր է փնտրում
Նախկին իշխանությունը չկա, բայց խնդիրը կա. ինչպե՞ս կանգնեցնել բենզինի գնի աճը Հայաստանում
Եկող տարվանից լավ ապրողներն ավելի լավ կապրեն, վատ ապրողներն` ավելի վատ. ինչ կտա նոր օրենքը
թեգերը:
ԱԺ, գազ, բենզին, Հայաստան

Գլխավոր թեմաներ