03:27 21 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Զարեհ Սինանյան

Կսկսենք աշխատել Ռուսաստանի հայերի հետ. Սփյուռքի գործերի հանձնակատարը գործուղման է մեկնում

© Sputnik / Asatur Yesayants
Հայաստան
Ստանալ կարճ հղումը
51 0 0

Սփյուռքի գործերի գլխավոր հանձնակատարն ասաց, որ առաջիկայում մտադիր է այցելել այն երկրներ, որտեղ մեծ հայկական համայնք կա։

ԵՐԵՎԱՆ, 25 հունիսի — Sputnik. Սփյուռքի գործերի գլխավոր հանձնակատար Զարեհ Սինանյանը խոստացավ ակտիվ աշխատանք սկսել Ռուսաստանի հայ համայնքի հետ։ Այս մասին նա ասաց այսօր լրագրողների հետ զրույցում։

Ռուսաստանի հայերի հետ աշխատանքը կլինի առաջին քայլը սփյուռքի հետ որակապես նոր հարաբերություններ կառուցելու ճանապարհին։

«Ռուսաստանի հայ համայնքն ամենամեծն է, այն աշխարհագրորեն ամենասփռվածն է, հոգեբանորեն ու ֆիզիկապես ամենաշատ կապն ունի Հայաստանի հետ։ Ճիշտ ու լավ աշխատանքի դեպքում իրենք ոչ միայն ամենամեծ պոտենցիալը կկազմեն Հայաստանի համար, այլ նաև շատ այլ դիվիդենտեր կարող է Հայաստանը ստանալ, մենք էլ կարող ենք իրենց օգնել շատ հարցերում», – ասաց Սինանյանը։

Հանձնակատարը հայտնեց, որ առաջիկայում մտադիր է ճանաչողական այցեր իրականացնել այն երկրներ, որտեղ մեծ հայկական համայնք կա։

Սինանյանի կարծիքով`սփյուռքից ներդրումներ բերելու համար Հայաստանը պետք է գրավիչ, արդար պետություն լինի։ «Թավշյա հեղափոխությունից» հետո գործընթացները հենց այդ ուղղությամբ են գնում։ Պետք է դրանք պահպանել և ամրապնդել։

Սփյուռքի հանձնակատար՝ նախարարի փոխարեն. մնում է տեսնել` կլինե՞ն գործեր կենացների փոխարեն

Նրա խոսքով` սփյուռքի ներսում տրամադրությունը բավականին դրական է։ Եթե Հայաստանում հետհեղափոխական ոգևորությունը մի քիչ խամրել է, նույնը չի կարելի ասել սփյուռքի մասին։

Հիշեցնենք, որ սփյուռքի գործերի հանձնակատարի պաշտոնը ստեղծվել է Հայաստանի կառավարության կառուցվածքի փոփոխության արդյունքում, սփյուռքի նախարարության լուծարումից հետո։ Հայաստանի վարչապետ Նիկոլ Փաշինյանի որոշմամբ` այս տարվա հունիսի 14–ին Գլենդելի նախկին քաղաքապետ Զարեհ Սինանյանը նշանակվել է այդ պաշտոնում։

Ըստ թեմայի

Պայքարը թեժ է. ո՞վ կդառնա Սփյուռքի գործերի գլխավոր հանձնակատար. «Հրապարակ»
Նոր տրամաբանություն սփյուռքի հետ հարաբերություններում. Sputnik-ի հյուրը Տեր-Գրիգորյանն է
Հայկական սփյուռքի ներուժը չի կարելի չօգտագործել. Զարեհ Սինանյանը կայցելի Ռուսաստան
թեգերը:
ՀՀ սփյուռքի նախարարություն, Սփյուռք, Զարեհ Սինանյան, Ռուսաստան, Հայաստան

Գլխավոր թեմաներ