01:35 23 հուլիսի 2019
Ուղիղ եթեր
  • USD476.18
  • GBP593.70
  • EUR534.18
  • RUB7.56
Սահմանային բաժին

Թմրաբիզնեսով զբաղվողների գործը կբարդանա. հայերն ու ռուսները միասին են հղկել հմտությունները

© Sputnik / Игорь Зарембо
Հայաստան
Ստանալ կարճ հղումը
29 0 0

Մաքսային ծառայողները համատեղ ուսումնավարժություն են անցկացրել։ Համագործակցության առանցքում թմրանյութերի միջազգային ապօրինի շրջանառության դեմ պայքարն է

ԵՐԵՎԱՆ, 26 հունիսի – Sputnik. ՀՀ պետական եկամուտների կոմիտեի մաքսանենգության դեմ պայքարի վարչությունը ՌԴ դաշնային մաքսային ծառայության մաքսանենգության դեմ պայքարի գլխավոր վարչության հետ համատեղ հերթական ուսումնավարժությունն են անցկացրել: Այս մասին հայտնում է Պետեկամուտների կոմիտեի մամուլի ծառայությունը։

Իրական պայմաններին մոտ իրավիճակներում Հայաստանի և Ռուսաստանի մաքսային ծառայողները փոխանակել են թմրանյութերի անդրսահմանային ապօրինի շրջանառության կանխման գործնական փորձը: Ուսումնավարժությունն անցկացվել է երկու փուլով:

Առաջին փուլի ընթացքում ՊԵԿ մաքսանենգության դեմ պայքարի վարչության աշխատակիցները մեկնել են Մոսկվա, իսկ երկրորդ փուլի ժամանակ ռուս գործընկերներն են ժամանել Երևան: Ըստ սցենարի` օդանավակայանից մինչև հասցեատեր թմրանյութի տեղափոխման ամբողջական շղթան բացահայտվել է գործընկեր երկրների միջև միջազգային վերահսկելի մատակարարման շրջանակներում տեղեկատվության փոխանակման շնորհիվ:

Միջոցառմանը ներգրավված են եղել նաև ՊԵԿ մաքսանենգության դեմ պայքարի վարչության շնագիտական բաժնի ու հետաքննության և օպերատիվ-հետախուզության վարչության արագ հակազդման բաժնի աշխատակիցները:

Պարբերական ուսումնավարժությունների միջոցով Պետական եկամուտների կոմիտեն կատարելագործում է թմրանյութերի միջազգային ապօրինի շրջանառության դեմ պայքարի մեթոդները:

Ըստ թեմայի

ՊԵԿ–ը հորդորում է ներկրված ավտոմեքենաներով առանց հաշվառման համարանիշների չերթևեկել
ՊԵԿ նախագահն անձամբ է հաշվարկում յուրաքանչյուր աշխատողի պարգևատրման չափը
ՊԵԿ նախագահը մեկնաբանել է եղբոր պաշտոնանկությունն ու Ջանջուղազյանի հետ հարաբերությունները
թեգերը:
Պետական եկամուտների կոմիտե (ՊԵԿ), թմրանյութ, Ռուսաստան, Հայաստան

Գլխավոր թեմաներ