03:33 19 հունվարի 2020
Ուղիղ եթեր
  • USD479.61
  • GBP626.18
  • EUR533.71
  • RUB7.81
Հայաստան
Ստանալ կարճ հղումը
107 0 0

Պաշտպանի խոսքով` իշխանության ներկայացուցչի հայտարարությունն ատելության տիպիկ քարոզ է՝ դրանից բխող իրավական բոլոր հետևանքներով։

ԵՐԵՎԱՆ, 28 հունիսի — Sputnik. Էջմիածնի քաղաքապետ Դիանա Գասպարյանի կողմից Մանվել Գրիգորյանին պատկանող սրճարանից չօգտվելու կոչերի համար Գրիգորյանի պաշտպաններն իրավապահներին կդիմեն։ Այս մասին լրագրողների հետ հանդիպման ժամանակ ասաց Գրիգորյանի պաշտպան Լևոն Բաղդասարյանը։

«Գասպարյանի ասածը պատվի և արժանապատվության հետ կապված խնդիր է պարունակում։ Իշխանության ներկայացուցչի հայտարարությունն ատելության տիպիկ քարոզ է՝ դրանից բխող իրավական բոլոր հետևանքներով։ Մենք դիմելու ենք, իրավապահներին, որպեսզի նրանք իրենց գնահատականը տան»,–ասաց պաշտպանը։

Նրա խոսքով` երկրում պետք է բացառել ընտրովի ատելությունը կամ գովաբանությունը, և ամենևին էլ կապ չունի` դա Էջմիածնի քաղաքապե՞տն է անում, թե՞ ուրիշը։

Հիշեցնենք, որ Գասպարյանը կոչ է արել բոյկոտել Գրիգորյանին պատկանող սրճարանի աշխատանքը՝ չգնելով նույնիսկ մեկ շիշ ջուր։ Նա հայտնել էր նաև, որ Էջմիածնի քաղաքապետարանը Մանվել Գրիգորյանի սրճարանի վարձակալության պայմանագիրը չի երկարաձգել։

Մանվել Գրիգորյանի որդու չարաշահումները բացահայտվել են

Մանվել Գրիգորյանը մեղադրվում է 6 հոդվածով` ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու մեջ:

Նրան մեղադրանք է առաջադրվել 2018 թ. հունիսի 19-ին։

Ըստ թեմայի

Դատական իշխանությունը գործադիրի կոշիկի տակ է. Մանվել Գրիգորյանի պաշտպան
Մանվել Գրիգորյանը հիմա պետք է պառկի. դատական նիստը հետաձգվեց
«Անգամ թուրքը չի կարողացել Մանվել Գրիգորյանի մայրիկը լացացնել». պաշտպան
թեգերը:
Դիանա Գասպարյան, Դատարան, Մանվել Գրիգորյան, Հայաստան

Գլխավոր թեմաներ