09:17 19 սեպտեմբերի 2019
Ուղիղ եթեր
  • USD476.22
  • GBP593.51
  • EUR526.22
  • RUB7.39
Ինժեներական լաբորատորիա

Առաջատար ՏՏ նախագծեր և ստարտափեր. Հայաստանի և Ինդոնեզիայի համագործակցությունը

© Photo : provided by ArMath
Հայաստան
Ստանալ կարճ հղումը
29 0 0

Երկրները նախատեսում են գիտատեխնոլոգիական փոխներգործության համար բարենպաստ միջավայր ստեղծել։

ԵՐԵՎԱՆ, 28 հունիսի – Sputnik. Երևանն ու Ջակարտան այսուհետ համագործակցելու են գիտության ու տեխնոլոգիաների ոլորտներում։

Аревик Анапиосян на пресс-конференции по итогам подписания Армяно-Индонезийкого соглашения (28 июня 2019). Еревaн
© Sputnik / Asatur Yesayants
Երևանն ու Ջակարտան այսուհետ համագործակցելու են գիտության ու տեխնոլոգիաների ոլորտներում

Այսօր Հայաստանի կրթության, գիտության, մշակույթի և սպորտի փոխնախարար Արևիկ Անափիոսյանն ու Ինդոնեզիայի հետազոտությունների, տեխնոլոգիայի և բարձրագույն կրթության նախարարության գլխավոր տնօրենի պաշտոնակատար Պատդոնո Սուվինյոն Տեխնոլոգիական բիզնես–ինկուբատորների ու գիտատեխնոլոգիական պարկերի հարցերում համագործակցության համաձայնագիր են կնքել։

«Համագործակցության մասին համաձայնագրի նպատակն է ստեղծվել այնպիսի միջավայր, որտեղ երկու երկրների գիտատեխնիկական փոխներգործություն կկատարվի», – ասաց Անափիոսյանը։

Армен Оруджян на пресс-конференции по итогам подписания Армяно-Индонезийкого соглашения (28 июня 2019). Еревaн
© Sputnik / Asatur Yesayants
Արմեն Օրուջյան

Նրա խոսքով` ինդոնեզիացիների հետ համագործակցության գործընկերը Հայաստանի գիտության և տեխնոլոգիաների հիմնադրամն (FAST) է։

Sputnik Արմենիայի թղթակցի հարցին` ինչու՞ է նման համաձայնագիր կնքվել հենց Ինդոնեզիայի հետ, փոխնախարարը պարզաբանեց, որ նախաձեռնող FAST հիմնադրամի նախընտրությունն է։

«Հիմնադրամն աշխատում է տեխնոլոգիաների, ՏՏ ոլորտի, նաև նոր ստարտափերի զարգացման հետաքրքիր ծրագրերի վրա։ Ինդոնեզիան էլ է նույն ճանապարհով գնում։ Գործընկերների միանման նպատակների դեպքում, հնարավոր է, որ երկրները կարողանան առաջընթացի հասնել», – նշեց Անափիոսյանը։

FAST –ի գործադիր տնօրեն Արմեն Օրուջյանն իր հերթին կարևորեց երկու երկրների համագործակցությունը։ Նրա խոսքով` փոխներգործության համար երկու մեծ ոլորտ կա. մի կողմից` գիտությունն ու տեխնոլոգիաները, մյուս կողմից` ստարտափերն ու ինկուբատորները։

«Համաձայնագրի կնքումն առաջին քայլն է երկու երկրների հարաբերությունները հարթելու ճանապարհին, մասնավորապես, գիտության ոլորտում, ու ոչ միայն», – ասաց Օրուջյանը։

Նա ավելացրեց, որ հնարավոր է համագործակցել նաև արտադրության կամ «խելացի» գյուղատնտեսական տնտեսության ուղղությամբ։

Իսկ Ինդոնեզիայի ներկայացուցիչ Պատդոնո Սուվինյոն նշեց, որ բարձր է գնահատում Հայաստանի հետ համագործակցելու հնարավորությունը։

Նրա խոսքով` երկրները կարող են սովորել իրարից։ Նա վստահ է, որ համաձայնագիրը թղթի վրա չի մնա, այլ գործնականում կիրագործվի։

Патдоно Сувиньо на пресс-конференции по итогам подписания Армяно-Индонезийкого соглашения (28 июня 2019). Еревaн
© Sputnik / Asatur Yesayants
Պատդոնո Սուվինյոն

Նշենք` համաձայնագրի կնքման արարողությանը ներկա էր նաև Հայաստանում Ինդոնեզիայի դեսպան (նստավայրը Կիևում է) Յուդդի Քրիսնանդին։

Ըստ թեմայի

Եսայան. «Հոկտեմբերին Հայաստանն ու Սինգապուրը նոր քայլ կանեն ՏՏ համագործակցությունում»
Ղազախստանյան բիզնեսը հետաքրքրված է Հայաստանի ՏՏ ոլորտով ու նավթամթերքի շուկայով
Երևանի ՏՏ կոնգրեսին կմասնակցեն իսրայելական ընկերություններ. Փաշինյանը հանդիպել է Ահարոնին
թեգերը:
Կրթության և գիտության նախարարություն (ԿԳՆ), Ստարտափ, Հայաստան

Գլխավոր թեմաներ