06:39 20 սեպտեմբերի 2019
Ուղիղ եթեր
  • USD476.26
  • GBP593.94
  • EUR526.74
  • RUB7.42
Հովիկ Աբրահամյան

Հովիկ Աբրահամյանի ու նրա մերձավորների հողամասերը կվերադարձվեն պետությանը

© Photo : PHOTOLURE
Հայաստան
Ստանալ կարճ հղումը
252210

ՀՀ հատուկ քննչական ծառայությունը հայտնում է, որ ՀՀ նախկին վարչապետի ու նրա մերձավորների նկատմամբ բացահայտված որոշ փաստերով քրեական հետապնդում չի իրականացվի։

ԵՐԵՎԱՆ, 28 հունիսի — Sputnik. ՀՀ հատուկ քննչական ծառայությունում քննվող քրեական գործի շրջանակում բացահայտվել է, թե ինչպես են ՀՀ նախկին վարչապետ Հովիկ Աբրահամյանն ու նրա մերձավորները ձեռք բերել իրենց պատկանող գույքը։

Հովիկ Աբրահամյանի ջերմոցները տարիներ շարունակ ոռոգվել են գողացած ջրով. ՊՎԾ. տեսանյութ

Սակայն, ինչպես հայտնում է ՀՔԾ–ն, բացահայտված փաստերով նշված անձինք քրեական պատասխանատվության չեն ենթարկվի, փոխարենը նշված գույքը կվերադարձվի համայնքներին։

«Նկատի ունենալով, որ վերը նկարագրված որոշ դեպքերում անցել են քրեական պատասխանատվության ենթարկելու` օրենքով նախատեսված ժամկետները, իսկ որոշ դեպքերում կիրառելի է եղել համաներման մասին օրենքը, որի կապակցությամբ հակաօրինական արարք կատարած անձինք դիմել են վարույթն իրականացնող մարմնին` վերը նշված հիմքերով իրենց նկատմամբ քրեական հետապնդում չիրականացնելու խնդրանքով, ՀՀ հատուկ քննչական ծառայության քննիչի կողմից որոշում է կայացվել նրանց նկատմամբ քրեական հետապնդում չիրականացնելու մասին»,– հայտնում է ՀՔԾ–ն։

Նշվում է նաև, որ որոշումների օրինակներն ուղարկվել են ՀՀ տարածքային կառավարման և ենթակառուցվածքների նախարարություն` օրենքով սահմանված կարգով վարչական ակտերն առոչինչ ճանաչելու և նշված գույքային միավորները Դիլիջան, Մխչյան և Նարեկ համայնքներին վերադարձնելու գործընթաց նախաձեռնելու համար:

Նշենք, որ խոսքը Դիլիջան քաղաքի Բաբաջանյան 26 հասցեի 15.000 քմ մակերեսով, Բաբաջանյան 24 հասցեի 57.000 քմ մակերեսով հողատարածքների, Դիլիջանի Սարալանջ փողոցի թիվ 42, 44, 46 և 48 հասցեներում գտնվող, համապատասխանաբար՝ 731, 761, 701 և 720 քմ մակերեսով բնակելի տուն կառուցելու համար նախատեսված հողատարածքների, ինչպես նաև Արարատի մարզի Մխչյան գյուղում գտնվող 8.9 հա, 9.1 հա, 8 հա, 9 հա, 5.6 հա, 7.2 հա մակերեսով 4-րդ կարգի անջրդի հողամասերի և 4092 քմ մակերեսով արտադրական նշանակության հողամասի և Արարատի մարզի Նարեկ գյուղում գտնվող 90 հա մակերեսով վարելահողի ու 30 հա մակերեսով արոտավայրի մասին է:

Քննչական մարմինը հայտնում է, որ քրեական գործով նախաքննությունը շարունակվում է` հնարավոր այլ չարաշահումներն ու դրանք կատարած անձանց ողջ շրջանակը բացահայտելու ուղղությամբ:

Հովիկ Աբրահամյանը հրավիրվել է Քննչական ծառայություն`բացատրություն տալու

 

Ըստ թեմայի

Պետությանը պատճառել են մոտ 10 մլն դրամի վնաս. տեսանյութ
Քննչական կոմիտեն վերականգնել է պետությանը պատճառված ավելի քան 825 միլիոն դրամ վնասը
ՊՆ–ն հողատարածքը վաճառել է շուկայականից ցածր գնով` պետությանը պատճառելով 51 մլն դրամի վնաս
թեգերը:
Հովիկ Աբրահամյան, Հայաստան

Գլխավոր թեմաներ