16:21 23 սեպտեմբերի 2019
Ուղիղ եթեր
  • USD476.13
  • GBP596.40
  • EUR525.98
  • RUB7.47
Գագիկ Սուրենյան

Ինչպիսի՞ եղանակ կունենանք հուլիսին. Սուրենյանի կանխատեսումը

© Sputnik / Aram Nersesyan
Հայաստան
Ստանալ կարճ հղումը
Եղանակը Հայաստանում (546)
222 0 0

«Հիդրոմետ» ծառայության պետը հիշեցրել է, որ անցած տարի այս օրերին Երևանում +40․․․+42 աստիճան էր, իսկ այսօր ընդամենը +28։

ԵՐԵՎԱՆ, 1 հուլիսի– Sputnik. Հուլիս ամիսը տեղումնառատ և համեմատաբար զով կլինի։ Այս մասին Facebook-ի իր էջում գրել է ՀՀ ԱԻՆ «Հիդրոմետ» ծառայության պետ Գագիկ Սուրենյանը։

«Այս տարվա հուլիսին հանրապետության տարածքի եղանակակալիմայական պայմանների ձևավորման վրա իրենց հիմնական ազդեցությունն են թողնելու Սև ծովից ներթափանցող խոնավ և սառը օդային հոսանքները, ինչով պայմանավորված հուլիս ամսին միջին ամսական ջերմաստիճանը հանրապետության ողջ տարածքում կանխատեսվում է 1 աստիճանով նորմայից ցածր, իսկ տեղումների քանակը նորմայից ավելի։ Սա նշանակում է, որ ունենալու ենք համեմատաբար զով և տեղումնառատ հուլիս»,–գրել է Սուրենյանը։

Նա տեղեկացրել է, նաև, որ հանրապետության ամենաշոգ վայրերում` Արարատյան դաշտ, Սյունիքի հովիտներ, Երևան, ամսվա ընթացքում ընդամենը 2-3 օր օդի ջերմաստիճանը կարող է բարձրանալ ընդամենը +37․․․+38 աստիճան։

«Հիդրոմետ» ծառայության պետը նաև տեղեկացրել է, որ անցած տարի այս օրերին Երևանում +40․․․+42 աստիճան էր, իսկ այսօր ընդամենը +28։

թեմա:
Եղանակը Հայաստանում (546)
թեգերը:
Գագիկ Սուրենյան, Քամի, Անձրև, եղանակ, Հայաստան

Գլխավոր թեմաներ