14:56 27 սեպտեմբերի 2020
Ուղիղ եթեր
  • USD485.27
  • GBP617.36
  • EUR565.05
  • RUB6.28
Հայաստան
Ստանալ կարճ հղումը
Մանվել Գրիգորյանի շուրջ ծավալված իրադարձությունները (235)
367 0 0

Մանվել Գրիգորյանի պաշտպան Լևոն Բաղդասարյանի խոսքով` եթե ամբաստանյալը համապատասխան բուժում չստանա, ոտքերի ամպուտացում պետք է կատարվի։

ԵՐԵՎԱՆ, 2 հուլիսի — Sputnik. Գեներալ Մանվել Գրիգորյանի պաշտպան Լևոն Բարսեղյանը դատարանին միջնորդություն ներկայացրեց Գրիգորյանի խափանման միջոց կալանավորումն անհապաղ փոխելու համար։

Ինչպես արդեն հայտնել էինք, Երևանի ընդհանուր իրավասության դատարանում գեներալ–լեյտենանտ Մանվել Գրիգորյանն այսօր մասնակցում է իր և կնոջ` Նազիկ Ամիրյանի դեմ հարուցված քրեական գործով ընթացող դատական նիստին։

«Այսօր տեղացի 10–ից ավելի բժիշկներ են ասում, որ նրա կյանքին վտանգ է սպառնում, և եթե նա համապատասխան բուժում չստանա, կգնանք ոտքերի ամպուտացման։ Բժիշկների կոնսիլիում է արվել, «Նաիրի» ԲԿ-ում հոսանքով լարման են տվել հիվանդի երկու ոտքերը և պարզել, որ նրա ոտքերը 50-70 տոկոսով չեն զգում, դարձել են անզգա»,-ասաց Բարսեղյանը։

Պաշտպանը նշեց, որ միջնորդում են Գրիգորյանի խափանման միջոց կալանավորումն անհապաղ վերացնելու և փոխարենը 10 մլն դրամ գրավի դիմաց բաց թողնելու համար։

Դատարանը գնաց խորհրդասենյակ` որոշում կայացնելու։

Հիշեցնենք, որ Գրիգորյանը դատարան է եկել անվասայլակով ու բժիշկների հսկողությամբ։

Մանվել Գրիգորյանի որդու չարաշահումները բացահայտվել են

Գրիգորյանը մեղադրվում է 6 հոդվածով` ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու մեջ:

Նրան մեղադրանք է առաջադրվել 2018 թ. հունիսի 19-ին։

թեմա:
Մանվել Գրիգորյանի շուրջ ծավալված իրադարձությունները (235)

Ըստ թեմայի

Մանվել Գրիգորյանը հիմա պետք է պառկի. դատական նիստը հետաձգվեց
«Անգամ թուրքը չի կարողացել Մանվել Գրիգորյանի մայրիկը լացացնել». պաշտպան
Մանվել Գրիգորյանի պաշտպանները մտադիր են դատի տալ Էջմիածնի քաղաքապետին
թեգերը:
բժիշկ, հիվանդանոց, Դատարան, Հայաստան, Մանվել Գրիգորյան

Գլխավոր թեմաներ