13:25 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Ռոբերտ Քոչարյան

Վերաքննիչը Քոչարյանի գործի նյութերը չի ուղարկել առաջին ատյան. 1 օրո՞ւմ որոշում կկայացվի

© Sputnik / Aram Nersesyan ,
Հայաստան
Ստանալ կարճ հղումը
64 0 0

Հ երկրորդ նախագահ Ռոբերտ Քոչարյանի պաշտպանը նշում է, որ վերաքննիչն անհարկի ձգձգում է Քոչարյանի գործի քննությունը։

ԵՐԵՎԱՆ, 3 հուլիսի — Sputnik. Վերաքննիչ քրեական դատարանը ՀՀ երկրորդ նախագահ Ռոբերտ Քոչարյանի քրգործով որոշումից հետո նյութերը չի ուղարկել առաջին ատյանի դատարան, որպեսզի գործը վերսկսվի։ Այսօր լրագրողների հետ հանդիպման ժամանակ այս մասին ասաց Քոչարյանի պաշտպան Հովհաննես Խուդոյանը։

Վերաքննիչ քրեական դատարանը հունիսի 25–ին որոշել էր Ռոբերտ Քոչարյանի քրգործը վերաբացել ու նրան կրկին կալանավորել։

«Վերաքննիչի հրապարակված ակտով արձանագրվել է, որ ՍԴ ուղարկված գործի կասեցման որոշումը վերացվում է, և գործը պետք է վերսկսվի առաջին ատյանի դատարանում այնտեղից, որտեղ ընդհատվել էր։ Սակայն հիմա, փաստորեն, գործը կրկին սառած է` չունենալով որևէ հիմք»,–ասաց նա։

Նրա խոսքով` նախկինում իրենց` Քոչարյանի պաշտպաններին էին մեղադրում գործն անհարկի ձգձգելու մեջ, իսկ հիմա հենց վերաքննիչն է նման քայլի դիմում։

Адвокат Ованнес Худоян на пресс-конференции адвокатов Роберта Кочаряна (21 июня 2019). Еревaн
Asatur Yesayants
Հովհաննես Խուդոյան

Անդրադառնալով վերաքննիչ դատարանի կայացրած դատական ակտերի բովանդակությանը` նշեց, որ հայտնի է, որ վերաքննիչը որոշել է` գործը պետք է սկսվի ընդհատման պահից։ Ըստ պաշտպանի` ստացվում է, որ առաջին ատյանը, ընդունելով գործն իր վարույթ, դատավարական 15–օրյա ժամկետում նիստեր է հրավիրել, որոշումներ է կայացրել ու դրանցից` գործի վարույթը կասեցնելու և այն ՍԴ ուղարկելու որոշումը կայացվել է դատավարական ժամկետի նախավերջին օրը։

«Այսինքն` առաջին ատյանի դատարանը պետք է մեկօրյա ժամկետում գործի վերաբերյալ որոշում կայացնի գործի ճակատագրի մասին` կա՛մ այն կասեցնում է, ուղարկում այլ դատարան, կա՛մ դատական քննության է նշանակում։ Ստացվում է, որ առաջին ատյանի դատարանին կրկին հնարավորություն չի տրվելու գործի նյութերին ծանոթանալ, և պատային իրավիճակի մեջ է դրվում դատարանը»,–ասաց նա` հավելելով, որ չի պատկերացնում` ինչպես է դատարանը մեկօրյա ժամկետում որոշում կայացնում։

Արարատ Միրզոյանը կրկին խոսել է Ռոբերտ Քոչարյանի և ՌԴ դեսպանի հանդիպման մասին

Մայիսի 20–ին ՀՀ երկրորդ նախագահ Ռոբերտ Քոչարյանի, ՀՀ նախկին փոխվարչապետ Արմեն Գևորգյանի, Պաշտպանության նախկին նախարար Սեյրան Օհանյանի և ՀԱՊԿ նախկին գլխավոր քարտուղար Յուրի Խաչատուրովի վերաբերյալ գործի վարույթը դատարանի որոշմամբ կասեցվել էր և ուղարկվել ՍԴ:

Գլխավոր դատախազությունը բողոքարկել էր Երևան քաղաքի ընդհանուր իրավասության դատարանի՝ ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումը փոփոխելու և նույն դատարանի մայիսի 20–ի՝ քրեական գործի վարույթը կասեցնելու և Սահմանադրական դատարան։ Վերաքննիչ քրեական դատարանն էլ հունիսի 25–ին որոշել էր ՀՀ երկրորդ նախագահ Ռոբերտ Քոչարյանի քրգործը վերաբացել ու նրան կրկին կալանավորել։

Հակոբյան. «Ռոբերտ Քոչարյանի գործը Փաշինյանի համար առաջնային նշանակություն ունի»

Ըստ թեմայի

Այս իշխանությունից մենք սպասում ենք ցանկացած ապօրինություն. Քոչարյանի գրասենյակի ղեկավար
ԲՀԿ-ն Քոչարյանի գործում քաղաքական ենթատեքստ չի տեսնում
Քոչարյանի քրեական գործում ոչ մի քաղաքական հետապնդում չկա. «Իմ քայլի» պատգամավոր
Ռոբերտ Քոչարյանին կալանավորելու որոշում կայացրած դատավորին պատասխանատվության չեն ենթարկի
թեգերը:
Ռոբերտ Քոչարյան, Հայաստան

Գլխավոր թեմաներ