19:57 17 օգոստոսի 2019
Ուղիղ եթեր
  • USD475.92
  • GBP578.43
  • EUR527.46
  • RUB7.22
Գյումրի

Դատարանն անվավեր է ճանաչել Շիրակի մարզպետի որոշումը. դպրոցի տնօրենն աշխատանքի կվերադառնա

© Sputnik / Armine Alexanyan
Հայաստան
Ստանալ կարճ հղումը
49 0 0

Շիրակի մարզպետարանը կփոխհատուցի Գյումրու թիվ 19 դպրոցի տնօրենի հարկադիր պարապուրդի համար։

ԵՐԵՎԱՆ, 9 հուլիսի — Sputnik. Գյումրու թիվ 19 դպրոցի տնօրեն Նարինե Մեսրոպյանը կվերադառնա աշխատանքի. մարզպետի որոշումն անվավեր է ճանաչվել։ Այս մասին հայտնում է «Ղազարյան ընդ Փարթնըրս» փաստաբանական գրասենյակը։

Սատանան մանրուքներում է. ինչու են Գյումրու գլխավոր եկեղեցին անվանում «Յոթ վերք»

Մեսրոպյանի դեմ քրգործ էր հարուցվել դեռ նախորդ տարի ամռանը. դպրոցի փաստաթղթերում, աշակերտների ցուցակներում և դասամատյաններում՝ որպես տարբեր դասարանների աշակերտներ գրանցված են եղել թվով 16 անձանց տվյալներ, որոնք, սակայն, դպրոց չեն հաճախել և չեն մասնակցել դասապրոցեսներին։

«Շիրակի մարզի ընդհանուր իրավասության առաջին ատյանի դատարանը 2019 թ.-ի հուլիսի 4-ի վճռով բավարարեց Գյումրու թիվ 19 դպրոցի տնօրեն Նարինե Մեսրոպյանին աշխատանքից ազատելու որոշումն անվավեր ճանաչելու, վերջինիս աշխատանքում վերականգնելու և հարկադիր պարապուրդի գումար բռնագանձելու պահանջների վերաբերյալ ներկայացված հայցը»,– նշված է ընկերության հայտարարության մեջ։

Ի դեպ, վճիռն օրինական ուժի մեջ կմտնի հրապարակման պահից մեկ ամիս անց, եթե չբողոքարկվի ՀՀ վերաքննիչ քաղաքացիական դատարանում:

Հիշեցնենք, որ դպրոցի տնօրենը մեղադրվում էր պաշտոնեական լիազորությունները չարաշահելու և պաշտոնական կեղծիք կատարելու մեջ։ Քրգործի շրջանակում հիմնավորվել էր, որ դպրոցի տնօրենի կողմից պաշտոնեական լիազորությունները չարաշահելուն օժանդակել են նույն դպրոցի թվով 25 աշխատակիցներ։

Դպրոցի տնօրենը և 25 աշխատակիցներ զղջացել էին իրենց կատարած արարքի համար, ընդունել իրենց մեղքը, և տնօրենը վերականգնել էր պետությանը պատճառած նյութական վնասը: Սակայն 2019 թվականի փետրվարի 28-ին Շիրակի մարզպետի որոշմամբ Նարինե Մեսրոպյանն ազատվել էր պաշտոնից: Մեսրոպյանը բողոքարկել էր մարզպետի որոշումը։

Ինչո՞ւ գյումրեցին չընդունեց Արմեն Սարգսյանի՝ նախագահ դառնալու առաջարկը

Ըստ թեմայի

Գյումրեցիները «պատժեցին» «Ֆրանկ Մյուլլերին»
«Ոսկե ծիրանը» Գյումրիում. կցուցադրվի Արամ Խաչատրյանի մասին պատմող ֆիլմը
«Ուր գնացինք, երկրաշարժից պրծում չկա». Կալիֆոռնիայի գյումրեցիները տներից դուրս են վազել
թեգերը:
Գյումրի, դպրոց, Հայաստան

Գլխավոր թեմաներ