15:57 24 օգոստոսի 2019
Ուղիղ եթեր
  • USD475.99
  • GBP581.09
  • EUR526.40
  • RUB7.25
Էլեկտրակայան

ԱԱԾ–ն կքննի էլեկտրաէներգետիկ համակարգում տեղի ունեցած կոլապսը

© Sputnik / Asatur Yesayants
Հայաստան
Ստանալ կարճ հղումը
40 0 0

Արթուր Վանեցյանը հայտարարեց, որ քննությունը կպարզվի էներգետիկ համակարգի խափանման պատճառներն ու հնարավոր մեղավորներին։

ԵՐԵՎԱՆ, 11 հուլիսի — Sputnik. ԱԱԾ տնօրենը հանձնարարել է նյութեր նախապատրաստել հուլիսի 10-ին էլեկտրաէներգիայի մատակարարման խափանման դեպքի վերաբերյալ։

Այս մասին այսօր կառավարության նիստում հայտարարեց ՀՀ ԱԱԾ տնօրեն Արթուր Վանեցյանը` հավելելով, որ դա արվում է, որպեսզի հստակ պարզվեն էներգետիկ համակարգի խափանման պատճառները։

«Չնայած նախնական տվյալները կան, բայց ես կարծում եմ, որ պետք է խորը հետաքննություն իրականացվի և գնահատական տրվի` եղել են, թե չեն եղել մեղավորներ, ցուցաբերվել է անգործություն, թե ոչ»,– ասաց Վանեցյանը` խոստանալով արդյունքների մասին նույնպես զեկուցել։

Վարչապետ Փաշինյանն էլ հիշեցրեց, որ Տարածքային կառավարման և ենթակառուցվածքների նախարար Հակոբ Արշակյանը ևս ծառայողական քննություն է նշանակել։

Նախարար Սուրեն Պապիկյանը հայտնեց, որ այսօր առավոտյան` Բելառուս կատարած աշխատանքային այցից վերադառնալուց անմիջապես հետո, խորհրդակցություն է անցկացրել էներգետիկ համակարգի պատասխանատուների հետ:

Փոխնախարար Հակոբ Վարդանյանի ղեկավարությամբ էներգետիկ ոլորտի մասնագետների ներգրավմամբ ձևավորվել է աշխատանքային խումբ՝ հուլիսի 10-ին տեղի ունեցած վթարի պատճառներն ուսումնասիրելու նպատակով:

Հիշեցնենք` հուլիսի 10–ին, ժամը 13։00–ից Երևանում ու մարզերում էլեկտրաէներգիայի զանգվածային անջատումներ են գրանցվել։ Փոխվարչապետ Տիգրան Ավինյանը Facebook-ում հայտնել է, որ հոսանքի համատարած անջատումները պայմանավորված են Երևան ՋԷԿ–ում ու Հրազդան ՋԷԿ–ում տեղի ունեցած վթարներով։Ավելի ուշ հրատապ ասուլիսով հանդես եկավ ՀՀ տարածքային կառավարման և ենթակառուցվածքների փոխնախարար Հակոբ Վարդանյանը և հայտնեց, որ վթարի պատճառը վերջնականապես դեռ պարզված չէ։ Նախնական վարկածով` հաճախականության հզոր տատանում է տեղի ունեցել Իրանի էներգահամակարգում, որը զուգահեռ կապված է հայաստանյան համակարգի հետ, ինչի պատճառով էլ տատանումներ է առաջացրել նաև Հայաստանի տարածքում։

Ըստ թեմայի

Ատոմակայանն անջատված է ցանցից. որևէ տեխնածին աղետ տեղի չի ունեցել
Մութ կայարաններ, շփոթված ուղևորներ. ի՞նչ էր կատարվում Երևանի մետրոյում. տեսանյութ
Հիվանդանոցները նորմալ աշխատում են. առողջապահության նախարարությունը վերահսկում է իրավիճակը
թեգերը:
Քննություն, ՀՀ կառավարություն, Արթուր Վանեցյան, էլեկտրաէներգիա, Լույս, Հայաստան

Գլխավոր թեմաներ