11:03 14 հոկտեմբերի 2019
Ուղիղ եթեր
  • USD476.73
  • GBP596.06
  • EUR525.36
  • RUB7.42
Նիկոլ Փաշինյան, Արսեն Թորոսյան

Դա արվելու է խնամի, ծանոթ, բարեկամ սկզբունքով. Փաշինյանը չընդունեց Թորոսյանի առաջարկը

© Photo: official site of the Prime ministger of RA
Հայաստան
Ստանալ կարճ հղումը
100420

Հայաստանում փորձագիտական գնահատական չկա, թե այս պահին քանի անպտուղ ամուսնական զույգ կա։ Նախարարի խոսքով` տոկոսը շատ բարձր է։

ԵՐԵՎԱՆ, 11 հուլիսի — Sputnik. Առողջապահության նախարարությունն առաջարկում է տարեկան 80 ամուսնական զույգի անվճար աջակցել` լուծելու անպտղության խնդիրը։ Այս մասին այսօր կառավարության նիստում հայտնեց առողջապահության նախարար Արսեն Թորոսյանը։

Նախարարի այս առաջարկը, սակայն, ՀՀ վարչապետ Նիկոլ Փաշինյանը խնդրահարույց համարեց։

«700 զույգից ոնց է որոշվելու ո՞ր 80 զույգն են այս տարի սպասարկվում։ Դա արվելու է խնամի, ծանոթ, բարեկամ, ով ում հետ մոտիկ է, ով ավելի արագ որտեղ կարող է հասնել սկզբունքով, և դա պրոբլեմ է առաջացնում»,– ասաց Փաշինյանը։

Թորոսյանը պարզաբանեց, որ ընտրությունն արվելու է սահմանված չափորոշիչներով։ Վարչապետը, սակայն, դարձյալ ասաց, որ նման` նույնիսկ հստակ փորձագիտական գնահատական չկա, թե Հայաստանում այս պահին քանի անպտուղ ամուսնական զույգ է համապատասխանում այդ չափորոշիչներին։ «Այդ 80-ը որոշվելու է կոռուպցիայով»,– պնդեց Փաշինյանը։

Արսեն Թորոսյանն էլ հայտնեց, որ չկան թվեր, քանի որ չի եղել ծրագիր ու դիմելիություն, որով կկատարվեր հաշվարկը։

Երկար ու թեժ քննարկման արդյունքում վարչապետը հայտարարեց, որ որոշումը ներկայացված տեսքով պատրաստ չէ ընդունման ու առաջարկեց այն չհաստատել և ուղարկել լրամշակման։

Ըստ թեմայի

Արսեն Թորոսյանը տեսակցել է Ադրբեջանից վերադարձված Զավեն Կարապետյանի հետ
«Այլևս չի կարող շարունակվել». Արսեն Թորոսյանը սարսափել է բռնության մասին պատմություններից
Բժիշկները պայքարում են երիտասարդ աղջկա կյանքի համար. Թորոսյանը մանրամասներ է հայտնում
թեգերը:
երեխա, ամուսնություն, Նիկոլ Փաշինյան, Արսեն Թորոսյան, Հայաստան

Գլխավոր թեմաներ