16:17 21 հուլիսի 2019
Ուղիղ եթեր
  • USD476.48
  • GBP596.79
  • EUR535.52
  • RUB7.56
Մհեր Գրիգորյան

Ես ոչ մեկի հետ էլ հատուկ թելերով կապված չեմ. Մհեր Գրիգորյանը` Քոչարյանի հետ կապերի մասին

© Sputnik / Asatur Yesayants
Հայաստան
Ստանալ կարճ հղումը
114 0 0

ՀՀ փոխվարչապետը վստահեցնում է, որ իր և Ռոբերտ Քոչարյանի` հազար թելերով իրար հետ կապված լինելու լուրերը անհեթեթ խոսակցություններ են։

ԵՐԵՎԱՆ, 12 հուլիսի — Sputnik. ՀՀ փոխվարչապետ Մհեր Գրիգորյանը որևէ մեկի հետ հատուկ թելերով կապված չէ։ Գրիգորյանն այս մասին ասաց Ազգային ժողովում լրագրողների հետ զրույցի ժամանակ` անդրադառնալով իր և ՀՀ երկրորդ նախագահ Ռոբերտ Քոչարյանի «բազմաթիվ թելերով» կապված լինելու լուրերին։

«Անլուրջ խոսակցություններ են այս ամենը։ Ես ոչ մեկի հետ էլ թելերով կապված չեմ»,–ասաց փոխվարչապետը։

Հարցին, թե հիմա շփվո՞ւմ է Քոչարյանի հետ` նա պատասխանեց, որ հիմա ֆիզիկապես հնարավոր չէ շփում ունենալ։

Վերջերս թերթերից մեկը գրել է, որ Գրիգորյանը մինչև փոխվարչապետ նշանակվելը փաստացի Ռոբերտ Քոչարյանին պատկանող «Արդշինբանկի» կառավարիչն էր, և նա բազմաթիվ թելերով կապված է Քոչարյանի հետ։

Հիշեցնենք, որ Քոչարյանն այս պահին կալանավայրում է։

Մայիսի 18-ին Երևանի ընդհանուր իրավասությունների Ավան և Նոր Նորք վարչական շրջանների դատարանը որոշեց ՀՀ երկրորդ նախագահ Ռոբերտ Քոչարյանին անձնական երաշխավորությամբ ազատ արձակել։

Մայիսի 20–ին ՀՀ երկրորդ նախագահ Ռոբերտ Քոչարյանի, ՀՀ նախկին փոխվարչապետ Արմեն Գևորգյանի, Պաշտպանության նախկին նախարար Սեյրան Օհանյանի և ՀԱՊԿ նախկին գլխավոր քարտուղար Յուրի Խաչատուրովի վերաբերյալ գործի վարույթը դատարանի որոշմամբ կասեցվեց և ուղարկվեց ՍԴ:

Գլխավոր դատախազությունը բողոքարկել էր Երևան քաղաքի ընդհանուր իրավասության դատարանի՝ ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումը փոփոխելու և նույն դատարանի մայիսի 20–ի՝ քրեական գործի վարույթը կասեցնելու և Սահմանադրական դատարան դիմելու որոշումը:

ՀՀ Վերաքննիչ քրեական դատարանը հունիսի 25–ին որոշեց ՀՀ երկրորդ նախագահ Ռոբերտ Քոչարյանի քրգործը վերաբացել ու նրան կրկին կալանավորել։

Ըստ թեմայի

Այս իշխանությունից մենք սպասում ենք ցանկացած ապօրինություն. Քոչարյանի գրասենյակի ղեկավար
Ռոբերտ Քոչարյանը պահպանել է իր տեղը «Սիստեմա» ԲՖԿ–ի տնօրենների խորհրդում
Քոչարյանի քրեական գործում ոչ մի քաղաքական հետապնդում չկա. «Իմ քայլի» պատգամավոր
ՍԴ–ն վարույթ է ընդունել Քոչարյանի գործով դատարանի հարցադրման առանցքային մասը. Վարդևանյան
թեգերը:
Մհեր Գրիգորյան, Ռոբերտ Քոչարյան, Հայաստան

Գլխավոր թեմաներ