01:38 18 հուլիսի 2019
Ուղիղ եթեր
  • USD476.45
  • GBP590.89
  • EUR534.43
  • RUB7.58
Էմանուել Մակրոնը` Հայաստանում. արխիվային լուսանկար

ՀՀ վարչապետը շնորհավորել է Ֆրանսիայի նախագահին և վարչապետին

© Photo / official site of the Prime minister of RA.
Հայաստան
Ստանալ կարճ հղումը
ՀՀ վարչապետ Նիկոլ Փաշինյան (804)
31 0 0

Փաշինյանը կրկին շնորհակալություն է հայտնել Մակրոնին` ապրիլի 24-ը ֆրանսիական հանրապետական օրացույցում որպես Հայոց ցեղասպանության հիշատակի օր ներառելու համար։

ԵՐԵՎԱՆ, 14 հուլիսի — Sputnik. Վարչապետ Նիկոլ Փաշինյանը շնորհավորել է Ֆրանսիայի Հանրապետության նախագահ Էմանուել Մակրոնին և վարչապետ Էդուարդ Ֆիլիպին Ֆրանսիայի Ազգային տոնի՝ Հուլիսի 14-ի կապակցությամբ:

«Համոզված եմ, որ համատեղ ջանքերով կշարունակենք ամրապնդել Հայաստանը և Ֆրանսիան միավորող առանձնաշնորհյալ հարաբերություններն ինչպես երկկողմ, այնպես էլ բազմակողմ ձևաչափերով՝ ի շահ մեր ժողովուրդների։

Հայ և ֆրանսիացի ժողովուրդների միջև դարավոր պատմություն ունեցող բարեկամությունը և մեր պետությունների միջև առանձնաշնորհյալ հարաբերությունները, բարձր մակարդակի քաղաքական երկխոսությունն ու փոխվստահությունը կայուն հիմք են հանդիսանում հայ-ֆրանսիական փոխգործակցության շարունակական զարգացման և խորացման համար:

Մեզ համար շատ կարևոր էր ապրիլի 24-ի ներառումը ֆրանսիական հանրապետական օրացույցում՝ որպես Հայոց ցեղասպանության հիշատակի օր, ինչի կապակցությամբ ցանկանում եմ մեկ անգամ ևս շնորհակալություն հայտնել Ձեզ»,–ասված է Ֆրանսիայի նախագահին ուղղված ուղերձում:

Փաշինյնն ընդգծել է, որ մենք մեծապես կարևորում ենք Ֆրանսիայի՝ որպես ԵԱՀԿ Մինսկի խմբի համանախագահի, Ռուսաստանի և ԱՄՆ հետ միասին գործադրվող շարունակական ջանքերը՝ ուղղված Լեռնային Ղարաբաղի հակամարտության խաղաղ կարգավորմանը և մեր տարածաշրջանում խաղաղության, անվտանգության և կայունության ամրապնդմանը:

«Բարձր եմ գնահատում հայ-ֆրանսիական սերտ համագործակցությունը միջազգային հարթակներում, այդ թվում՝ Ֆրանկոֆոնիայի միջազգային կազմակերպության շրջանակներում: Ֆրանսիան մշտապես աջակցել է Հայաստան-ԵՄ հարաբերությունների առաջմղմանը, և լիահույս ենք, որ այն ապագայում ևս կշարունակվի: Այսօր, երբ Հայաստանի կառավարությունը նախաձեռնել է հավակնոտ բարեփոխումների գործընթաց, հատկապես արդիական է դառնում Հայաստան-ԵՄ համագործակցության օրակարգի իրականացման հարցում Ֆրանսիայի աջակցությունը»,–ասված է վարչապետի շնորհավորական ուղերձում:

Ֆրանսիայի վարչապետին ուղղված շնորհավորանքի մեջ ՀՀ վարչապետը նշել է, որ Եվրոպական միության հետ ստորագրված Համապարփակ և ընդլայնված գործընկերության համաձայնագիրը նոր հորիզոններ է բացում ԵՄ անդամ երկրների հետ Հայաստանի՝ նոր որակի փոխգործակցության համար: «Վստահ եմ, որ մեր երկրներն առավելագույնս կօգտվեն ՀԸԳՀ-ի ընձեռած հնարավորություններից»,–ասել է նա:

Ֆրանսիացի երեխաները փոխել են Pour toi Arménie երգը` ի պատիվ Ազնավուրի և Հայաստանի

Կրկին շնորհավորելով  Ազգային տոնի առթիվ՝ Փաշինյանը Մակրոնին մաղթել է մեծ հաջողություններ՝ ի նպաստ Ֆրանսիայի բարգավաճման և ֆրանսիացի բարեկամ ժողովրդի հետագա առաջընթացի և բարօրության»:

թեմա:
ՀՀ վարչապետ Նիկոլ Փաշինյան (804)

Ըստ թեմայի

Փարիզում ցուցադրվել են Sputnik Արմենիայի լուսանկարիչ Ասատուր Եսայանցի աշխատանքները
Շառլ Ազնավուրի հիշատակին նվիրված համերգին Փարիզում ներկա է եղել ՀՀ նախագահը
Աշխարհն Արա Գյուլերի աչքերով. լեգենդար լուսանկարչի աշխատանքները ցուցադրվել են Փարիզում
թեգերը:
Էմանուել Մակրոն, Ֆրանսիա, Նիկոլ Փաշինյան, Հայաստան

Գլխավոր թեմաներ